Paunak 21:8 - Tedim Bible Revision 2017

⁸ Mimawhte thukawi-in gamta uh a, midikte a manin gamta uh hi.

Tedim Bible

⁸ Mimawhte thukawi-in gamta uh a, midikte a man-in gamta uh hi.

Paunak 21:8 Referans Kwoze

Paunak 2:15

mi lungsim kawi, muan theih loh ding mite panin nang hong kem ding hi.

1 JOHAN MASA 3:3

Khris a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.

1 JOHAN MASA 2:29

Khris, thuman hi, ci-in na theih uh mah bangin a manin a gamta mi khempeuh zong Pasianʼ tate hi, ci-in na theih ding uh ahi hi.

Titu 3:5

amah in eite hong hon khia hi. Eite in na hoih i sep zawhna hangin hong hon khia hi loin eite tungah suahtakna le nuntakna thak a hong pia Kha Siangtho in hong sawp siangna hangin a hong hehpihna tawh a hong hon khia ahi hi.

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Titu 1:15

Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

1 KORIN MASA 3:3

Bang hang hiam cih leh Pasianʼ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiseelin na om uh ciangin hih leitung mite mah a bang lel na hihna uh hong kilang hi.

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

Mattiu 12:33

“Singgah limci a gah theih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Mattiu 5:8

Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah thei tel thei lo uh ahih manin a gilo semsem ding uh hi. Ahih hangin mipilte in theih tel theihna a nei ding uh hi.

Thuhilh-sia 9:3

Mi khempeuhʼ thumong kibang kim a, hih pen leitung a thupiang lakah a man het lo khat ahi hi. Mihingte a nuntak lai teng gitlohna le a mawkna thu tawh a lungsim uh kidim a, theih kholh lohin mihingte sipak uh hi.

Thuhilh-sia 7:29

Keima theihkhiat thu in: Pasian in eite a thuman dingin hong bawl hi napi-in, eite in paulap tuamtuam zongin, i kikai-awksak hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

Paunak 15:26

Topa in migiloteʼ ngaihsutna kihhuai sa a, midikteʼ kampaunate hoih a sa hi.

Piancilna 6:12

Pasian in leitung en a, a kisiat gawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Paunak 21:9

Phun bek a thei zi tawh inn sungah ten khop sangin inn khumzang kiu khat ah tangten hoih zaw tham hi.

Isaiah 26:7

Midik paʼ lampi tamkim a, nangmah in midik paʼ lampi na neelsak hi.

Isaiah 59:8

Noteʼ omna peuh ah kuamah lungmuang thei lo a, noteʼ sepna khempeuh ah thuman khat beek om lo hi. Na lungsim uh kawi mahmah a, hong zui kha mite in thunuam mu ngei lo uh hi.