Paunak 21:24 - Tedim Bible Revision 2017

²⁴ Mi kihisak i cihte pen kiliansakin a kiphasak mite ahi hi.

Tedim Bible

²⁴ Mi kihisak i cihte pen, kiliansakin a kiphasak mite ahi hi.

Paunak 21:24 Referans Kwoze

Late 1:1

Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

Paunak 19:29

Mi a thusim lote in ciangduai thuak uh a, mihaite in satna thuak uh hi.

Paunak 18:12

A kiniamkhiatte in zahtakna ngah uh a, a kihisakte pen siat ding a manawh hi ta hi.

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiim a om naungek kum nih ciang le a nuaisiah khempeuh a that dingin a galkapte a sawl hi.

Jeremiah 48:29

Moabʼ kiphatsakna ka za khinzo a, kiphasak pha mahmah hi. Kiliansakin kisathei a, kuamah thusim loin mite a neu-et hi.

Isaiah 16:6

Tua ciangin Judah mite in, “Moabʼ kiphatsakna thu i za khinta hi. Amah kiphasak mahmah hi. A kiliatsakna, a kiphatsakna, a kihihsakna, ama kisialhnate khempeuh a mawkna ahi hi,” a ci uh hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Paunak 6:17

kihihsakna, zuau thu genna, mawhnei lo mi thahna,

Paunak 3:34

Amah in mi kihisakte bangmahin sim lo a, a kiniamkhiatte tungah maipha a pia hi.

Paunak 24:9

Mihaiteʼ vaihawmna in khialhna bek piangsak lel a, mi a simmawh theite midangte in mudah uh hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuau thu tawh a hei khia, thu khual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.

Habakkuk 2:5

Hauhna pen zuaupi hi a, a huaiham mite kiphasakin omkhong thei lo uh a, hankhuk mah bangin, pha zo, cih omsak thei lo uh a, lungkim hun cih nei thei lo uh hi. Tua ahih manin minam dangte a banbanin simin a uk uh hi.