Paunak 21:2 - Tedim Bible Revision 2017

² Na gamtatna khempeuh nangmah in man na sak hangin Topa in na lungsim tawng a et telna phawk in.

Tedim Bible

² Na gamtatna khempeuh nangmah in man na sak hangin, Topa in na lungsim tawng a et telna phawk in.

Paunak 21:2 Referans Kwoze

Paunak 16:2

Mihingte pen a gamtatna uh ah man kisa a, ahi zongin Topa in a khenna khat na om hi.

Paunak 16:25

Hoih hi, ci-in i ngaihsut thu khat pen sih theih nading thu na hi zawsop thei hi.

Luka 16:15

Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingteʼ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.

Paunak 24:12

Keʼn thei kha kei ing, na cih nop hangin lungsim a thei Pasian in thei tel veve hi; nang hong encik Pasian in hong tel theihna phawk in. Mi khempeuh a gamtatna bangin a thukkik ding hi.

Jeim 1:22

Nomau kikhem tawmin thu zak bek tawh maisak kei unla, na zak bangun zui-in sem zaw un.

Late 36:2

Bang hang hiam cih leh ama mawhna kidawk khia lo a, muhdahna thuak lo ahih manin amah kimawk phat tawm hi.

Galati 6:3

Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Paunak 20:6

Mi khempeuh pen mi citakin kigen kim uh hi; ahi zongin a citak takpi ding mi kimu zo ding ahi hiam?

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Paunak 12:15

Mihaite pen amau mah thuman kisa tawntung a, mipilte in miʼ thugenna ngai nuam uh hi.

JOB (Job) 31:6

Pasian in tawikhaina man ah hong tawikhai hen; ka paubaan het lohna hong mu ding hi.

Paunak 17:3

Kham le ngunte mei sungah kize-et a, mihingteʼ lungsim Topa in ze-et hi.

Daniel 5:27

Tekel pen kitawikhai a cihna hi a, nang hong kitawikhai-in na lek zo kei hi, a cihna ahi hi.