Paunak 21:13 - Tedim Bible Revision 2017

¹³ Mizawngteʼ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Tedim Bible

¹³ Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Paunak 21:13 Referans Kwoze

Paunak 28:27

Mizawng a huhte cimawh ngei lo dinga, huhna a pia nuam lote in samsiatna ngah ding hi.

Mattiu 6:14

Note in midangteʼ hong mawhna na maisak uh leh vantungah a om na Pa un zong noteʼ mawhna hong maisak ding hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Mattiu 7:2

Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Late 58:4

Amaute in gulpiʼ gu bang gu nei uh a, a khiimteʼ aw ahi a, a zol siamteʼ aw ahi zongin bangmah a za het lo, gul bilngong tawh kibang uh hi.

Late 18:41

Huh nading ngenin amaute kikoko uh a, ahih hangin a hon ding kuamah om lo hi. Amaute in Topaʼ tungah ko uh a, ahih hangin amah in dawng lo hi.

Sawltak 7:57

Ahi zongin amaute in a bil uh hum sanin nakpi takin kiko-in Stefen bawhhuan uh a,

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn le a neihsa panin Pasian in sing khia tahen. Hih bangin kising khia henla, hawmsuak hen!” ka ci hi. Tua ciangin a kikhawmte khempeuh in, “Hi tahen,” ci uh a, Topa a phat uh hi. Tua hi a, a ciam sa bangun mite a gamta uh hi.

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

1 JOHAN MASA 3:17

Mi khat hau mahmah henla, a Khristian mipih a cimawhte mu napi-in huhna bangmah pia nuam het kei leh, bang hangin amah in Pasian ka it hi, ci thei ding ahi hiam?

JOB (Job) 29:12

Mizawng ka theih peuhmah ka huh tawntung a, cih nading thei lo tagahte zong ka huh hi.