Paunak 21:11 - Tedim Bible Revision 2017

¹¹ Mi kiphasakte gim a kipiak ciangin mi mawkmawkte in pil lawh uh a, mipilte a kihilh ciangin thu theihna-in nei uh hi.

Tedim Bible

¹¹ Mi kiphasakte daan a kipiak ciangin mi mawkmawkte in pil lawh a, mipilte a kihilh ciangin thutheihna-in nei uh hi.

Paunak 21:11 Referans Kwoze

Paunak 19:25

Thu thei lote in satna bek tawh pilna ngah zo a, thungaihsun theite in taina lel tawh pilna ngah zo uh hi.

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh limtakin ngai uh hi.

Paunak 9:9

Mipilte thuhilh lecin pil semsemna-in nei dinga, thuman mite thuhilh lecin a thutheihna uh khang semsem ding hi.

Sawltak 5:5

Ananias in hih thu a zak phetin thakhatin si-in puk suk pah a, hih thu a za mi khempeuh a lau mahmah uh hi.

Paunak 18:1

Midangte tawh a kipawl thei pha lote amah bek thupi a kisate hi a, midangteʼ cih khempeuh man a sak khat beek om lo hi.

Mangmuhna 11:13

Tua hun laitakin nakpi takin zin liing a, a khuapi seh sawm suah seh khat tang ding kisiacip a, tua zin liing in mi tul sagih a sisak hi. A si lo a hing laite lau mahmah uh a, vantung Pasian a liatna thu a phat uh hi.

Paunak 15:14

Thungaihsun theite in pilna zong uh a, mihaite ahihleh a theih lohna uh tawh lungkim uh hi.

Paunak 1:5

Mi ciim sate ciimsak semsemin, mi pil sate pilsak semsemin,

Thu-hilhkikna 21:21

Tua ciangin khuapi pasal khempeuh in suang tawh amah deng lum ding uh hi. Tua bangin noteʼ sung panin siatna na siangsak ding uh hi. Tua hileh Israel-te khempeuh in za-in lau ding uh hi.

Thu-hilhkikna 13:11

Tua ciangin Israel-te khempeuh in za-in lau ding uh a, hih banga gitlohna note lakah bawlkik ngei nawn lo ding uh hi.

Gamlak-vakna 16:34

Amauteʼ kikona hangin a kiim uh a om Israel mite khempeuh tai uh hi. Bang hang hiam cih leh amaute in, “Leitang in hong valh tum kha in teh!” ci uh hi.

Paunak 9:7

Mihaite thuhilh lecin hong maizumsak dinga, migilote thuhilh lecin hong su gawp ding hi.