Paunak 20:6 - Tedim Bible Revision 2017

⁶ Mi khempeuh pen mi citakin kigen kim uh hi; ahi zongin a citak takpi ding mi kimu zo ding ahi hiam?

Tedim Bible

⁶ Mi khempeuh in mi citakin kigen kim uh hi; ahi zongin a citak takpi ding mi kimu zo ding ahi hiam?

Paunak 20:6 Referans Kwoze

Late 12:1

Topa aw, hong huh in; bang hang hiam cih leh mihingte lak panin mi thumante maimang ta a, mipha khat zong om nawn lo hi.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna inn sung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Luka 18:8

Keʼn kong cih in ah, amauteʼ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a gen thuah hi.

Luka 22:33

Tua ciangin Peter in, “Topa aw, nang tawh thong a kia khawm ding le a si khawm dingin a kiging sa-in ka om hi,” ci-in a gen hi.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Paunak 27:2

Midangte in hong phat loh buang nangmah kiphattawm kei in. Khual mite in hong phat loh buang nangma kamin kiphattawm kei in.

Paunak 25:14

Bangmah a piak lohpi a kisialh pih pa pen guah a zusak tuan lo meiipi le huihpi nung tawh kibang lel hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khuaʼ mawhna ka maisak ding hi.

2 KORIN NIHNA 12:11

Note in kei a hong pakta ding hi napi-in hong pakta lo na hih manun noteʼ bawlin mihai bangin kisialin ka gamta hi. Bang hang hiam cih leh kei pen bangmah pi ka hih loh hangin sawltak thupi mahmah in na ngaihsutte uh sangin them khat zong ka neu zaw tuan het kei hi.

Johan 1:47

Jesu in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuau thu om het lo hi,” a ci hi.

Luka 18:28

Tua ciangin Peter in, “Ko zong ka inn ka lo uh nusia-in nang ka hong zui uh hi,” a cih ciangin

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Thuhilh-sia 7:28

A thudang ka zonzon hangin bangmah ka mu zo nawn kei hi. Pasal tul khat sung pan khat bang bek a pil a om khak theihna, ahi zongin numei lakah a pil cih bang a om lohna keimah in ka phawk khia hi.

Paunak 20:5

Mihingteʼ ngaihsutna pen a thuk sunga om tui tawh kibang a, thuthuk mu theite bek in suah khia thei hi.

Late 12:2

Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

Micah 7:1

Kei a kamsia hiʼng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lung gulhgulh theigah bei ta hi.