Paunak 20:16 - Tedim Bible Revision 2017

¹⁶ Mi khat in gamdang mi khatʼ leiba a lohsak dingin kam a hai ciam leh a ciam bangin a neihsa kilaksak takpi ding hi.

Tedim Bible

¹⁶ Mi khat in gamdang mi khat’ leiba lohsak dingin kam a haiciam leh, a ciam bangin a neihsa kilaksak takpi ding hi.

Paunak 20:16 Referans Kwoze

Paunak 27:13

Mi khat in gamdang mi khatʼ leiba a lohsak dingin kam a ciam leh a ciam bangin ama neihsa kilaksak takpi ding hi.

Paunak 11:15

Midang khatʼ leiba lohsak ding na kiciam leh na kisik ding hi. Tua bang thu ah kihel kei lecin nang adingin hoih zaw hi.

Paunak 23:27

Numei paktatte pen kiat theih nading gum tawh kibang a, numei gina lote pen tangciak theihna hawkguam tawh kibang hi.

Paunak 7:10

Tua numei in numei paktatteʼ puansilh ngeite a silh kawmin ngimna khat tawh tua tangval na dawntuah hi.

Paunak 7:5

Tua hileh midangteʼ zi tungah na khialh khak loh nading, kam khum tawh a hong zol numei gina lote tawh na khialh khak loh nadingin hong hu ding hi.

Paunak 5:3

Numei paktatteʼ kampau khuaizu bangin khum mahmah in a thugente uh a neel dakdak hangin,

Paunak 2:16

A pasal tungah citak loin a pasal a nusia, Pasianʼ mai ah a kiciamna a mangngilh, kam khum mahmah tawh nangmah zol ding a hanciam, numei paktatte panin hong cing ding hi.

Paunak 6:1

Ka ta aw, na lawmte khatpeuh in sum leitawi a lak ciangin a loh zawh kei leh ama tangin a lohsak dingin kam na ciam kha hiam?

Paunak 20:15

Pilna tawh kam na pau theih leh kham le suangmanpha sangin a manpha zaw a nei na hi hi.

Paunak 20:17

A man loin a kingah an pen lim zungzung a, ahi zongin a nung ciangin suangtang hai khak tawh a kibang ahi hi.