Paunak 20:13 - Tedim Bible Revision 2017

¹³ Lumlum lecin na zawng dinga, semsem lecin na hau ding hi.

Tedim Bible

¹³ Lumlum lecin na zawng ding a, semsem lecin na hau ding hi.

Paunak 20:13 Referans Kwoze

Paunak 19:15

A thadahte lumlum a, a mawk omte a gil kial hi.

ROM (Romans) 12:11

Thadah kei unla, nakpi takin na sem un. Lawp mahmahna lungsim tawh Topaʼ na sem un.

Paunak 12:11

Nakpi takin lokhote in an hau a, man nei lopi-in hun beisakna in haina ahi hi.

Paunak 10:4

Thadahna in zawnna hi a, tha nuamna in hauhna hi.

Paunak 13:4

Thadah mi in a deih ngah zo lo a, nasep hahkat mi in a deih khempeuh ngah zo hi.

2 THESALONIKA NIHNA 3:10

Note tawh ka hong om khawm lai-un, “Na a sem nuam lo mi peuhmah an nesak kei un,” ci-in kong gen uh hi.

ROM (Romans) 13:11

Tu hun pen bang hun hi ta ahi hiam, ci-in thei ta na hih manun tu-a bangin na gamtat ding uh ahi hi. Tu-in note in khua phawkin na khanlawh ding uh hun hi ta hi. Bang hang hiam cih leh Jesu Khris i up cil lai hun sangin tu-in Pasian in leitung haksatna panin eite hong hotkhiat ding hun hong nai zaw hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Jonah 1:6

Teembaw ukpa in amah a muh ciangin, “Ihmu pa aw, bang na cihna ahi hiam? Tho inla na pasian kiangah thu ngen in. I sih loh nadingin amah in eite hong ngaihsun kha thei ding hi,” a ci hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawl khat in Pasian thei het lo na hih manun maizumhuai mahmah hi.

Paunak 20:14

Van leipa in van zuak pa kiangah, “Kiman kei, kiman kei,” cici khem a, a paikhiat khit ciangin sumdek siam mahmah ing, ci-in mi kiangah kisial hi.

Paunak 28:19

Nakpi takin lo a kho pa hau mahmah a, bangmahin a kimang tum lo na a sem pa zawng mahmah hi.

Paunak 31:15

Phalvak tungin zingtho a, annek ding teng limtakin bawlin a nasem numeiteʼ sep ding teng a vaihawmsak hi.