Paunak 20:12 - Tedim Bible Revision 2017

¹² Topa in khua muh nading mit, khua zak nading bil hong guan hi.

Tedim Bible

¹² Topa in khuamuh nading mit, leh khuazak nading bil hong guan hi.

Paunak 20:12 Referans Kwoze

Late 94:9

I bil a bawlpa in khua za lo ding ahi hiam? I mit a piangsak pa in khua mu lo ding ahi hiam?

Late 119:18

Nangma thukham sung panin a lamdang nate ka muh theih nadingin keima mitte hong honsak in.

Paikhiatna 4:11

Tua ciangin Topa in ama kiangah, “Kua in mipaʼ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hi lo ka hi hiam?

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Paunak 25:12

Hilhna a sang thei mipa adingin a pil thuhilhpa pen kizepna kham bilbah tawh kibang hi.

Isaiah 29:18

Tua ni ciangin bilngongte in laibu sunga thute za dinga, lungzinna le khua mialna sung panin mittawteʼ mit in mu ding uh hi.

1 KORIN MASA 12:17

Pumpi khempeuh mit suak khin leh bang tawh khua za ding ahi hiam? Pumpi khempeuh bil suak khin leh bang tawh a gimnam thei ding ahi hiam?