Paunak 20:11 - Tedim Bible Revision 2017

¹¹ Naupangte nangawn mi citak mihoih ahihna a gamtatna panun kimu khia thei hi.

Tedim Bible

¹¹ Naupangte nangawn mi citak mihoih ahihna, a gamtatna panun kimukhia thei hi.

Paunak 20:11 Referans Kwoze

Mattiu 7:16

Amauteʼ gamtatna tawh amauʼ pianzia na thei ding uh hi. Lingvom kung panin leenggah kilo ngei a, sialtalling kung panin theigah kilo ngei ahi hiam?

Paunak 21:8

Mimawhte thukawi-in gamta uh a, midikte a manin gamta uh hi.

Late 58:3

Migilote a khantawnun khial uh hi. A suah tung mahun lam khial pah uh a, zuau thu gen uh hi.

Luka 1:15

Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Late 51:5

A khial sa mahin kei ka suak a, ka nu in a gil sungah hong paii tung a kipan a mawh sa ka hi hi.

Luka 1:66

Hih thu a za mi khempeuh in, “Hih naungek a bangci mi hong hi ding hiam?” ci-in a lungsim sung uh ah a ngaihsun ciat uh hi. Bang hang hiam cih leh Topa in amah a huhna thu teltakin kilang hi.

Paunak 22:15

Naupangte a hai gamtat a ngeina hi a, deih takin pangbetna in mihoih suaksak thei hi.

Paunak 20:12

Topa in khua muh nading mit, khua zak nading bil hong guan hi.

2 KHANG TANGTHU NIHNATE 34:3

Ama uk a kum giatna sung, naupang ahi laipi mahin, amah in a pu Davidʼ Pasian zon ding kipan hi. A kum sawm le kum nihna ciangin amah in Judah le Jerusalem panin mual dawna biaknate, Asherah milimte le a kiseek le a kisung milimte beisiangsak ding kipan hi.