Paunak 2:9 - Tedim Bible Revision 2017

⁹ Tua hileh thuman le thutang a hoih le a kilawm na thei ding hi.

Tedim Bible

⁹ Tua hi leh thuman leh thutang, ahoih leh a kilawm na thei ding hi.

Paunak 2:9 Referans Kwoze

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Isaiah 48:17

Israel-teʼ Siangtho Pa, nangmah hong hon Topa in: Phattuamna na ngah nadingin nang a hong hilh, na zuih ding a kilawm lampi ah a hong paipih Topa na Pasian ka hi hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Late 119:99

Ka siate khempeuh sangin thu ka tel zaw hi. Bang hang hiam cih leh na teci pannate ka ngaih sunsun hi.

Late 32:8

Na pai nading lampi lakin kong hilh dinga, ka mit tawh hong enin thu kong hilh ding hi.

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Late 119:105

Nangma thu pen lam hong lak ding meivak hi a, ka paina lampi ah khuavak ahi hi.

Paunak 4:18

Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Paunak 8:20

Thuman lampi ka zui a, thutang lampi ka tawn hi.

Paunak 28:5

Mi siahuaite in thutang cih mel thei lo uh a, Topa a biate in ahihleh a kicingin a thei uh hi.

Late 25:12

Topa a zahtak mi kua ahi hiam? Ama lampi zuih ding Pasianʼ hilhna a ngah mi ahi hi.

Paunak 4:12

Hoihtakin gamta lecin nang hong nawngkaisak zo ding bangmah om lo dinga, na tai hangin zong na puk kha kei ding hi.