Paunak 2:6 - Tedim Bible Revision 2017

⁶ Bang hang hiam cih leh pilna a pia pa pen Topa hi a, amah pen pilna le siamna a hilh pa ahi hi.

Tedim Bible

⁶ Bang hang hiam cih leh pilna a piapa in Topa hi a, amah in pilna leh siamna a hilhpa ahi hi.

Paunak 2:6 Referans Kwoze

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Late 119:98

Na thupiakna in ka langte khempeuh sangin a pil zaw-in hong bawl hi. Bang hang hiam cih leh tua pen kei tawh om khawm den hi.

JOB (Job) 32:8

Ahi zongin mihingte tungah a hong tung pilna pen Vanglian Pasianʼ kha in a hong piak ahi hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Isaiah 54:13

“Topa in na tapate khempeuh hoihtakin hilh dinga, na tapate daupai mahmah ding uh hi.

Johan 6:45

Kamsangte in a lai gelhna uh ah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

1 KUMPI MASATE 3:12

en in, nangma hong ngetna bangin kong pia ding hi. En in, nangma hun ma-in nang tawh a kibang a om loh nading le nangma khit ah zong nang tawh a kibang hong khan loh nadingin pilna le theihna lungsim kong pia ding hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Late 119:104

Na thuhilhnate hangin thu theihtelna ka ngah hi. Tua ahih ciangin a man lo lampi khempeuh ka mudah hi.

Daniel 2:23

Nang pen ka pu ka pateʼ Pasian na hi a, kong phat a, ka hong zahtak hi. Nangmah in pilna le thahatna na hong pia zo hi. Ka thungetna nong za a, kumpipa kiang a ka gen ding thu nong lak zo hi,” a ci hi.

Daniel 1:17

Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

1 KUMPI MASATE 4:29

Pasian in Solomonʼ tungah teh zawh lohin a thuk mahmah pilna le theihna le gen zawh loh lungsim zaina pia a,

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Paunak 6:23

Bang hang hiam cih leh thukham le a hilhnate pen a taang mahmah khuavak bang hi a, khalna le hilhnate pen nuntak nading lampi hi a,

Late 19:7

Topaʼ thu kicing a, nuntakna a thaksuaksak hi. Topaʼ teci panna hi takpi a, mipil lote pilsak hi.

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasem pa hong pia in. Bang hang hiam cih leh hih a lian a tam na mite kua in uk zo ding ahi hiam?” a ci hi.

Paikhiatna 31:3

Lim hoihte a geel ding; kham, ngun, sumngo tawh na a bawl ding; siamna nam khempeuh ah nasep nading; bulh ding suangte seekna le singzep nasep a sem dingin vangliatna, siamna, pilna, theihna le khutsiam nasep khempeuh tawh amah ka kidimsak hi.

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasianʼ thukham na zuih theih nadingin Topa in ngaihsut pilna le thutelna nang tungah hong pia tahen.

Nehemiah 7:5

Tua ciangin uliante, thukhente le mite a inn kuankuanun ciapteh nading ka lungsim sungah Pasian in hong suaksak hi. Tua hi a, hong ciahkik masateʼ khang ciaptehna laibu ka mu hi. Tua sungah a kigelh ka muhte:

JOB (Job) 22:22

Ama hong hilhnate zui inla, ama thute ciamteh in.

Late 51:6

Nang in nuntakna sungah thumanna na deih hi. Tua ahih ciangin ka lungsim tawng ah ciimna hong hilh in.

Thuhilh-sia 2:26

Pasian in amah a lungdamsakte tungah pilna, theihna le lungdamna pia a, ahi zongin a hehpihhuai mimawhte ahihleh a sep bek sisakin, amauʼ thalawh sa khempeuh amah a lungdamsakte tungah a piaksak hi. Hih pen a mawknapi taktak, huihpi nung delh bang bek ahi hi.

1 KUMPI MASATE 10:24

Tua ciangin Pasian in ama lungsim sunga a koih ama pilna a ngai dingin leitung mi buppi in Solomonʼ omna zong uh hi.

Ezra 7:25

“Tua hi a, nang Ezra in nang tungah hong kipia na Pasianʼ pilna tawh kizui-in Eufratis Gun gal gam sunga mite thu a khen dingin na Pasianʼ thukham a thei mite seh in. Nang le amaute in na Pasianʼ thukham a thei lote na hilh ding uh hi.

JOB (Job) 12:13

Pasian in pilna le vang nei a, amah thukipin thu a thei tel hi.

JOB (Job) 12:16

“Pasian thahatin gualzo tawntung a, mi khemte le khemna a thuakte Pasianʼ ukna nuai ah a om uh ahi hi.

Late 19:8

Topaʼ thuhilhte man a, lungsim nuamsak hi. Topaʼ thupiakna siang a, mitte vaksak hi.

Late 94:10

Minamte a thuhilhpa in mi thuhilh lo ding ahi hiam? Mihingte tungah theihtheihna a hilh Topa in mihingteʼ ngaihsutna thei a, amaute pen husan bang bek ahihna teltakin a thei hi.

Late 119:34

Nangma thute kemin ka lungsim khempeuh tawh ka zuih theih nadingin thu theihtelna hong pia in.