Paunak 19:16 - Tedim Bible Revision 2017

¹⁶ Thukham a zuite a khansau dinga, thukham a zui lote si ding hi.

Tedim Bible

¹⁶ Thukham a zuite a khan’ sau ding a, thukham a zui lote si ding hi.

Paunak 19:16 Referans Kwoze

Luka 10:28

Tua ciangin Jesu in, “Na dawnna man mahmah hi. Tua bangin gamta lecin nuntak tawntungna na ngah ding hi,” a ci hi.

Paunak 13:13

Thu kihilh ding ut lohna pen siat ding utna hi a, thukihilhna zuihna pen lungnopna ahi hi.

Luka 11:28

Ahi zongin Jesu in, “Pasianʼ thu za-in a zuite hampha zaw lai hi,” ci-in a dawng hi.

1 JOHAN MASA 5:3

Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Paunak 29:18

Pasianʼ lamlahna a kizuih lohna gamah gam sung mite pheng tat gawp uh hi. Pasianʼ thukham a zui mite ahihleh a lungdam uh hi.

Paunak 21:23

Kampau a ki-ip zote lungkhamna tawh kipelh hi.

Paunak 16:17

Mihoihte in siatna tawh a kipelh ding lampi tawn uh a, a lampi tot ding limtakin a ngaihsun mi in a nuntakna a hu ahi hi.

Mangmuhna 22:14

Khuapi kulh kongpi sungah a lut theih nading le nuntakna singgah a nek theih nadingun a puan uh a siangin a sawp mite, mi hampha ahi uh hi.

1 KORIN MASA 7:19

Bang hang hiam cih leh vun atna le vun at lohna a thupi hi lo a, Pasianʼ thupiakte zuih ding a thupi ahi hi.

Thuhilh-sia 12:13

Hih thute khempeuh banah gen ding thu khat bek om hi. Mihing hong kipiansakna a thu bulpi pen in: Pasian zahtakna le a thupiakte manna ahi hi.

Thuhilh-sia 8:5

Ama thu a mangte in haksatna tuak kha lo ding hi. Mipilte in a gamtatna zia le a hunhoih thei uh hi.

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Ezekiel 33:5

Amah in pataukohna za napi-in don lo ahih manin, ama sihna pen ama khialhna hang ahi hi. Thudon hileh amah a suakta ding ahi hi.

Jeremiah 7:23

Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Paunak 22:5

Migiloteʼ lampi ah thang kisiahin so kidawh a, mipilte in tua lampi pelh uh hi.

Paunak 15:32

Kihilh ding a ut lote a mahmah a kisusia hi a, kithuhilh ding a utte pil semsem ding hi.

JOB (Job) 5:2

Mihai pa in a hehna sih lawh a, muhdahna in sihna piangsak hi.

Paunak 21:16

A kilawm gamtatna pan a pial khia mite misi honte lakah a tung hi.