Paunak 19:12 - Tedim Bible Revision 2017

¹² Kumpipaʼ hehna humpinelkai hawk bangin lauhuai a, ama pahtakna lopa tunga daitui taak bangin deihhuai hi.

Tedim Bible

¹² Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.

Paunak 19:12 Referans Kwoze

Hosea 14:5

Gam keuna mun a guahzu bangin Israel mite tungah nuntakna guah ka hi ding hi. Paak bangin amaute palh ding uh a, Lebanon gam a singkungte bangin zung thuk khakin a kip ding uh hi.

Paunak 20:2

Kumpipaʼ hehna pen a lauhuai mahmah humpinelkai hawk bang hi a, kumpipa a hehsak khate in sih lawh uh hi.

Paunak 28:15

Mizawngte a uk migilo pa pen humpinelkai gilkial le vompi halungvei tawh kibang hi.

Late 133:3

Tua pen Zion mualte tungah a kia, Hermon mual pan a hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Micah 5:7

Tua ciangin a om lai Israel mite pen Topa in minam tampite adingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Daniel 6:24

Tua ciangin kumpipa in Daniel a hek teng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpi-nelkaite in bak khat suahin a guh a tangin a balzan gawp uh hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta-in a liing uh hi. Mi khatpeuh a thah nop leh that a, a nuntaksak nop leh a nungtasak hi. A ut leh mi khatpeuh pahtawi-in, a ut leh a daisak thei hi.

Thuhilh-sia 8:4

Kumpipa aana neihna tawh gamta hi. Ama gen bangin gamta in; kuamah in amah nial zo lo hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

Esther 7:8

Kumpi huan panin a annekna mun uh ah kumpipa hong paikik ciangin Estherʼ tutna lamah Haman na awn phei-in a om mu a, kumpipa in, “Ka inn sung ka muhna nangawn ah hih mipa in kumpinu hih ding ahi hiam?” ci hi. Kumpipa in tua thu a cih phetin amaute in Hamanʼ mai puan a khuh uh hi.

2 SAMUEL NIHNA 23:4

amah pen amaute tungah zingsang khuavak bangin taang ziazua a, meii kaai loh ni zingsang a nitaang khia, leilak panin lopate a selsak guahtui tawh kibang hi.

Piancilna 27:28

Pasian in na tungah vantung daitui hong pia henla, na lote hoihsak tahen. An le leenggahzu tampi hong pia tahen.

Thu-hilhkikna 33:28

Tua ahih ciangin Israel mite lungmuangin om ding uh hi. Jakob suante bek an le leenggahzu gamah om hi. Hi taktak hi, a vantungte in daitui hong khiat suk hi. Israel aw, mi nuamsa na hi hi. Nang hong kihuhna lum le na gualzawhna lum le na gualzawhna namsau ahi Topa in nang banga a hotkhiat mi kua om ahi hiam?

Isaiah 18:4

Bang hang hiam cih leh Topa in kei tungah, “Ni taang sunga nisa silsel, an lak nisat hun sunga meii zun bangin, ka omna panin daitakin ka en ding hi,” hong ci hi.

Esther 1:12

Ahih hangin Kumpinu Vashti in innsung maangteʼ thupuak kumpipaʼ sapna a nial hi. Hih a nialna thu ah kumpipa heh mahmah a, a hehna hangin a sin so hi.