Paunak 19:10 - Tedim Bible Revision 2017

¹⁰ Mihaite a nop lua-in a nuntak ding kilawm lo a, silate in mi liante a uk ding kilawm lo zaw lai hi.

Tedim Bible

¹⁰ Mihaite, a nop lua-a nuntak ding kilawm lo a, silate in, miliante a uk ding kilawm lozaw lai hi.

Paunak 19:10 Referans Kwoze

Paunak 26:1

Tuk laitak a vuk kia le an lak huna guahzu bangin mihaite adingin pahtawina a kilawmna om lo hi.

Jeim 4:9

Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.

Luka 16:23

Ahi zongin hell khuk sungah gimna thuakin a om hi. A khuadak leh, gamlapi mun khat ah Abraham le Lazaras a om khawm a gal muh hi.

Luka 16:19

“Khat vei, mihau mahmah khat om a, nisimin puan manpha nono silhin, an lim nono ne-in a om hi.

Hosea 9:1

Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Isaiah 3:5

Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.

Esther 3:15

Kumpipaʼ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawm khia ahi hi. Kumpipa le Haman zu ne-in om hithiat uh a, ahi zongin Susa khuapi sung buai mahmah hi.

2 SAMUEL NIHNA 3:39

Sathau kinilh kumpipa hi napi-in tu ni-in ka tha a nem hi. Zeruiahʼ ta hih mite kei adingin haksa lua hi. Gamtat sia pa a gitlohna bangin Topa in thuk tahen!” a ci hi.

1 SAMUEL MASA 25:36

Tua ciangin Nabal kiangah Abigail hong tungkik hi. Kumpipaʼ pawi tawh kibangin amah in a inn sungah pawi na kham hi. Nabal lungnuam mahmah hi. Bang hang hiam cih leh amah in zu kham mahmah hi. Tua ahih ciangin zingsang khuavak mateng ama kiangah bangmah gen peuhmah lo hi.

Paunak 17:7

Mi liante in zuau thu gen ngei lo a, mihaite in na-a kimang kam pau ngei lo hi.