Paunak 18:7 - Tedim Bible Revision 2017

⁷ Mihaite a pau ciangin amauʼ siat nading mah a pau hi a, amauʼ kampau mah awk pih uh hi.

Tedim Bible

⁷ Mihaite a pau ciangin amau’ siat nading mah kampau hi a, amau kampau mah awkpih uh hi.

Paunak 18:7 Referans Kwoze

Paunak 13:3

Pau a ki-ip zo mi in a nuntakna a hu hi a, a mawk paupau mi pen amah a kisiasak tawm ahi hi.

Paunak 12:13

Migilote in a zuaugenna uh awk pih a, thuman mite buaina tawh kipelh hi.

Paunak 10:14

Mipilte in a pilna uh behlapin, mihaite a pau ciangin thusia tawh kizom pahpah hi.

Late 140:9

Kei hong umcih mite gualzosak kei inla, kei hong sawmnate uh amauʼ lu tung mah tusak in!

Late 64:8

Amauʼ kampaunate hangin amaute siatna thuaksak dinga, amaute a mu khempeuh in a lu uh pei san ding uh hi.

Paunak 6:2

Na kampauna hangin nang hong kimanin, na thuciamna hangin na awk kha hiam?

Paunak 10:8

Mipilte in thuhilhna mang a, a hai paute in lungkhamna tuak hi.

Thukhente 11:35

Amah in a tanu a muh ciangin a puan bal kekin, “Ala, ka tanu! Kei nong niamkoih mahmah hi. Kei adingin lungkhamna lianpi nong suak hi. Bang hang hiam cih leh Topa tungah thu ka ciam khin a, ka thuciamna ka dokkik thei kei hi,” a ci hi.

Paunak 18:8

Gensiatna pen an lim mahmah tawh kibang a, thakhatin i sungah kihup suk hi.

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

Paunak 14:3

Mihaite a pau ciangin siatna thuak lawh uh a, mipilteʼ pauna in siat nading pan pengsak hi.

Paunak 16:22

Pilna pen mipilte adingin hinna tuinak bang hi a, mihaite ahihleh amauʼ haina mah in gimna thuaksak hi.