Paunak 18:18 - Tedim Bible Revision 2017

¹⁸ Thugen a siam tuak mi nih zum sungah a kiseel ciangin kiciamna bek in thu khen zo hi.

Tedim Bible

¹⁸ Thu a gen siam tuaktuak mi nih, zum sungah a kisel ciangin, kiciamna bek in thu khen zo hi.

Paunak 18:18 Referans Kwoze

Paunak 16:33

Mite in bangbangin ai a san zongin, a piang ding thu pen Topaʼ deihna bang bek hizaw hi.

Nehemiah 11:1

Tua ciangin Jerusalem ah mi makaite teeng uh hi. Tua lo midang teng, amauʼ lak pan mi sawm-ah-khat, khuapi siangtho Jerusalem ah a teeng ding aisanna tawh kiteel uh a, a om lai mi sawm ah kuate ahihleh khuapi dangte ah om uh hi.

1 KHANG TANGTHU MASATE 24:31

Hihte in zong a behte uh ahi Aaronʼ suante mah bangin Kumpi David, Zadok, Ahimelek, siampite le Levi mi beh lutangteʼ muhna ah beh lutangte le a nau pasalte khat ciat in a kibangin aisanna tawh nasep tavuan a la uh hi.

1 KHANG TANGTHU MASATE 6:63

Merari-te beh tungah a innkuan a kizui-in Reuben-teʼ gam, Gad-teʼ gam le Zebulun-teʼ gam sung panin khuapi sawm le nih kipia hi.

1 SAMUEL MASA 14:42

Tua ciangin Saul in, “Kei le ka tapa Jonathan kikalah ai san un,” a ci hi. Tua ciangin Jonathan kila hi.

Joshua 14:2

Minam kua le a langte adingin Topa in Moses a thupiak bangin amauʼ gamhte aisanna tawh kipia hi.

Paunak 18:17

Thukhenna zumah a lang pa in a thuk mateng a gen masa pa a thuman tawh kibang hi.

Paunak 18:19

Sanggamte na huhna in khuapi muanhuai bangin hong hu a, sanggam tawh kitotna in kidon lohna piangsak hi.

1 SAMUEL MASA 14:41

Tua ahih ciangin Saul in, “Israel-teʼ Pasian Topa aw, bang hangin tu ni-in na nasem pa hong dawng lo na hi hiam? Hih mawhna kei tung ahi a, ka tapa Jonathanʼ tungah ahi zongin a om leh, Israel-teʼ Pasian Topa aw, Urim hong pia in; ahih hangin hih mawhna na mi Israel-te tungah om ahihleh Thummim hong pia in,” a ci hi. Tua ciangin Jonathan le Saul kila a, a midangte suakta hi.