Paunak 17:6 - Tedim Bible Revision 2017

⁶ Tute pen puteekte adingin minthanna lukhu hi a, tate pen pateʼ minthanna ahi hi.

Tedim Bible

⁶ Tute in puteekte’ minthan’na lukhu hi a, pate in tate’ minthan’na ahi hi.

Paunak 17:6 Referans Kwoze

Paunak 16:31

A teekteʼ sam kang minthanna lukhu hi a, thumanin nuntakna tawh a ngah ahi hi.

Paunak 13:22

Midikte in a tu a tateʼ luah ding gamh nei uh a, mawhneiteʼ neihsate ahihleh midikte ading hi lel hi.

1 KUMPI MASATE 15:4

Ahi zongin Davidʼ hangin Topa a Pasian in Jerusalem ah amah tapa khat pia a, ama khit ah a tapa koihin Jerusalem kipsak hi.

1 KUMPI MASATE 11:12

Ahi zongin na pa Davidʼ hangin nangma hun sungin ka hih kei dinga, na tapaʼ khut sung panin ka bal khia ding hi.

Piancilna 50:23

Josef in khang thumna ahi Efraimʼ tate mu hi. Manassehʼ tapa Makhirʼ tate zong Josefʼ inn sung mahah suak uh hi.

Piancilna 48:11

Israel in Josef kiangah, “Na maitang a hong mukik dingin ka kingaihsun kei hi. Tua hi napi, Pasian in na tate zong kei hong musak hi,” a ci hi.

Paikhiatna 20:12

“Topa na Pasian un note hong piak leitang tungah na khan uh a sau theih nadingin na nu le na pa uh zahtak un.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.