Paunak 17:3 - Tedim Bible Revision 2017

³ Kham le ngunte mei sungah kize-et a, mihingteʼ lungsim Topa in ze-et hi.

Tedim Bible

³ Kham leh ngunte, mei sungah kize-et a, mihingte’ lungsim, Topa in ze-et hi.

Paunak 17:3 Referans Kwoze

Isaiah 48:10

Meikhuk sungah ngun a kisiansak bangin gimna meikhuk sungah note kong ze-et hi. Ahi zongin note bangmahin a kimang lo na hihna uh hong kimu khin hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Late 26:2

Topa aw, hong ze-et inla hong sin in. Ka lungsim le ka ngaihsutna hong en tel in.

Paunak 27:21

Ngun le khamte meikhuk ah kize-et a, mihing ahihleh phatna tawh kize-et hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A sia thei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manpha zaw noteʼ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuak zawh uh leh Khris hong kilat Ni ciangin phatna, minthanna le pahtawina na ngah ding uh hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

Late 66:10

Bang hang hiam cih leh Pasian aw, kote na hong sin khin a, mei tawh ngun a kisin bangin kote na hong sin khin hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Zekhariah 13:9

Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

Late 139:23

Pasian aw, kei hong en tel inla, ka lungsim hong thei in. Kei hong sit inla, ka ngaihsutnate hong thei in.

Paunak 15:11

Sihna gam sungah a omte nangawn Pasian in mu ahihleh, mihingteʼ ngaihsutna tel muh zaw kan ding hi lo ahi hiam?

Paunak 17:2

A pil silapa in a topaʼ ta hai tungah aana nei-in a topaʼ gamh pawl khat a luah hi.

Ezekiel 22:18

“Mihing ahi Ezekiel aw, kei adingin Israel mite a kimanna om nawn lo hi. Amaute pen sumngo, dal, sik, hak le ngun a kihel khawm sung panin meikhuk sungah kihalin a ngun teng a kilak khit ciangin a om lai ngun-ek tawh kibang uh hi.

Daniel 11:35

Mi pawl khat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasianʼ seh sa hun a tunna ahi hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.

Thu-hilhkikna 8:16

a tawpna ah a hoihin na gamtat theih nading uh a deihna-in note hong niamkhiatin a hong ze-et theih nadingin na pu na pate un a theih loh manna tawh sehnel gamah a hong vak Topa na Pasian uh na mangngilh kha ding uh hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

JOB (Job) 28:1

“Ngun a kitawh khiatna a khuk om a, kham a kisiansakna a mun mah om hi.

Paunak 16:2

Mihingte pen a gamtatna uh ah man kisa a, ahi zongin Topa in a khenna khat na om hi.

Paunak 21:2

Na gamtatna khempeuh nangmah in man na sak hangin Topa in na lungsim tawng a et telna phawk in.