Paunak 17:23 - Tedim Bible Revision 2017

²³ A gina lo thukhente in sumgolh sang sim uh a, a thukhenna uh ah thuman om nawn lo hi.

Tedim Bible

²³ A ginalo thukhente in sumgolh sang sim uh a, a thukhenna uh ah thuman om nawn lo hi.

Paunak 17:23 Referans Kwoze

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Paunak 17:8

Sumgolh a zangte in ai bangin ngaihsun uh a, a deih khempeuh uh a ngahsak dingin ngaihsun uh hi.

Paikhiatna 23:8

Sumgolh na la kei ding uh hi. Bang hang hiam cih leh sumgolh in ulianteʼ mittawsak a, thuman miteʼ thu heikhiatsak hi.

Thu-hilhkikna 16:19

Thutang na hei khia kei ding uh a, angvan tuam na nei kei ding uh hi. Sumgolh in mipilteʼ mit tawsakin thumanteʼ thu hei khia ahih manin sumgolh na la kei ding uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Paunak 21:14

A simthamin letsong piakna in hehna damsak a, puannuai tawi in sinsona daisak hi.

Paunak 18:16

Letsong in a pia pa adingin lampi honsak a, mi liante tawh kimusak thei hi.

1 SAMUEL MASA 12:3

Hih lai ah ka om hi; ka mawhna a om leh Topaʼ mai le a sathau nilh paʼ mai ah ka mawhna hong pulak un. Kuaʼ bawngtal ka laksak hiam? Ahih kei leh kuaʼ la ka laksak hiam? Ahih kei leh kua khem ka hi hiam? Kua nengniam ka hi hiam? Ahih kei leh keima mit a tawsak dingin kuaʼ tung panin sumgolh la ngei ka hi hiam? Ka mawhna nong lah theih uh leh kong dinkik ding hi,” a ci hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman hei khia uh hi.

Thuhilh-sia 7:7

Mipil khat in midangte a khem ciangin mihai bangin a gamta ahi hi. Sumgolh lakna in a lapaʼ gamtat hoihna siasak hi.

Isaiah 5:23

mimawhte sumgolh tawh khah a, midikte a mawhsakte in gimna ngah tahen!

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.