Paunak 17:16 - Tedim Bible Revision 2017

¹⁶ Mihai pa in thu ngaihsun thei lo ahih manin pilna zon nading sum tampi a zat hangin a phattuamna om lo hi.

Tedim Bible

¹⁶ Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Paunak 17:16 Referans Kwoze

Paunak 23:23

Thuman, pilna, siamna, thungaihsut theihna lei in; zuak khiat dingin tuate pammaih lua hi.

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh limtakin ngai uh hi.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

Thu-hilhkikna 5:29

Amaute le a suan a khakte uh a nopsak tawntung theih nadingun keimah zahtak ding le ka thupiak khempeuh zuih ding hih bang ngaihsutna nei tawntung le-uh ka deih ahi hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Johan 3:20

A gamtat hoih lo mite in a siatna uh a kilat khak ding ut lo uh ahih manin khuavak deih lo uh a, khuavak ah pai nuam lo uh hi.

Hosea 4:11

Leenggahzu in ka miteʼ thungaihsut theihna beisak hi.

Paunak 14:6

Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.

Paunak 24:7

Pil kampauna pen mihaiteʼ theih zawh dingin thuk lua mahmah a, mihaite in mihon lakah thu gen ngam lo uh hi.