Paunak 17:14 - Tedim Bible Revision 2017

¹⁴ Kitot i kipat ciangin tui lipi cinna phung kehsak khak tawh kibang hi. Tua ahih manin a nasiat ma-in kitot khawl pak in.

Tedim Bible

¹⁴ Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

Paunak 17:14 Referans Kwoze

Paunak 25:8

Thu khatpeuh na theih ciangin thukhen zum tun pah kei in. Na veengpa in nangʼ khialhna hong lak telkik leh nang bang lawh nawn ding na hi hiam?

Paunak 20:3

Kitot khak ding pelhna in pahtak ngahna hi a, mihaite bek kitot ding ut uh hi.

1 THESALONIKA MASA 4:11

Tu ma-a ka hong gen sa uh mah bangin kam tam nuam se loin hoihtakin om hithiatna, no tawh a kisai thu bek ngaihsutna le noteʼ nuntak nading na na sep nading uh hanciamin nei un.

Paunak 15:1

Kam nemin dawnna in hehna damsak a, kam khauh in hehna piangsak hi.

ROM (Romans) 12:18

Ahih theih lai teng mi khempeuh tawh na kilem nadingun hanciam un.

Paunak 29:22

A heh pahpahte in kitotna piangsak a, a heh baihte khial thei tawntung hi.

Paunak 26:21

Meihol in mei-am ding piangsak a, sing in mei kuangsak a, migilo in kitotna piangsak hi.

Paunak 17:19

Khialh ding a utte lungkham ding a ut hi a, kihisak-a kam paupaute buaina ding a zongzong ahi hi.

Paunak 16:32

Thahatna sangin lungduaina hoih zaw a, khuapi khat uk zawhna sangin eimah ki-uk zawhna hoih zaw hi.

Paunak 14:29

A lungduaite mipil hi a, lungtomna pen haina kilatna ahi hi.

Paunak 13:10

Hilh ding ut lo, kihihsakna in kitotna bek piangsak thei a, hong kithuhilh ding utna pen a hoih zaw ahi hi.

2 KHANG TANGTHU NIHNATE 28:6

Bang hang hiam cih leh amaute in a pu a pate uh Pasian, Topa nusia uh ahih manin Remaliahʼ tapa Pekah in ni khat thu-in amaute galhang mihing tul za khat le tul sawm nih, Judah gam sungah a that hi.

2 KHANG TANGTHU NIHNATE 13:17

Abijah le a mite in Israel-te tampi tak that uh hi. Tua ahih ciangin Israel mi a kiteng khia mihing tul za nga a kithatin tuk hi.

2 SAMUEL NIHNA 19:41

Tua ciangin Israel mite khempeuh hong pai-in kumpipa kiangah, “Bang hangin ka sanggam uh Judah mite in nang hong gu khia-in, kumpipa le a innkuante le Davidʼ mite amah tawh, Jordan galah paipih ahi hiam?” a ci uh hi.

Paunak 19:11

Pilna in mi lungduaisak a, miʼ hong hehsaknate kiphawkmawh bawlna in minthanna ahi hi.