Paunak 16:9 - Tedim Bible Revision 2017

⁹ Mihing in thu geel a, ahi zongin Topaʼ deihna bangin kisem khia hi.

Tedim Bible

⁹ Mihing in thu geel a, ahi zongin Topa’ deihna bangin kisemkhia hi.

Paunak 16:9 Referans Kwoze

Paunak 19:21

Mihingʼ ngaihsutna ah thu tampi om a, ahi zongin Topaʼ deihna tawh a kituakte bek kimang ding hi.

Late 37:23

Topa in mi a lam pai nading lak a, ama lungkim bangin a gamta pa amah in a kipsak hi.

Paunak 16:1

Mite in bangbang a geel zongin Topaʼ deihna bang bekin a piang ding hizaw hi.

Paunak 20:24

Topa in miteʼ gamtatna zia ding uk hi. Koici gamtat ding cih mihing in bangci theih ding ahi hiam?

Jeremiah 10:23

Topa aw, mihingʼ om dan ama uk theih ahih lohna ka thei ta a, ama kalsuan nading ama geel theih hi lo hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Paunak 16:8

Thuman loin hauhna sangin thumanin tawmno neihna a hoih zaw ahi hi.

1 SAMUEL MASA 9:16

“Zing ciang tu bang hunin Benjamin gam sung panin nang kiangah mi khat kong sawl dinga, nangmah in ka mi Israel-te tungah ulian dingin amah sathau na nilh ding hi. Amah in Filistia miteʼ khut sung panin ka mite hon khia ding hi; bang hang hiam cih leh amauteʼ kikona kei kiang hong tung khin ahih manin ka miteʼ gimna ka mu khinzo hi,” a ci hi.

2 KHANG TANGTHU NIHNATE 22:7

Ahih hangin Joramʼ kiangah a hawhna tawh Ahaziahʼ pukna a tun nading Pasianʼ seh sa ahi hi. Bang hang hiam cih leh tua lai ah amah a hawh sungin Ahab innkuan a susia dingin Topa in sathau a nilh sa, Nimshiʼ tapa Jehu tawh a kimu dingin Joram tawh paikhia hi.

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.