Paunak 16:7 - Tedim Bible Revision 2017

⁷ Topaʼ deih bangin gamtatna pen galte nangawn lawm a kaih zawhna ahi hi.

Tedim Bible

⁷ Topa’ deih bang-a gamtatna in, galte nangawn lawm-a kaih zawhna hi.

Paunak 16:7 Referans Kwoze

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

2 KHANG TANGTHU NIHNATE 17:10

Tua ciangin Judah gam kimkot ah a om kumpi gam khempeuh tungah Topa kihtakna om a, amaute in Jehoshafat do ngam nawn lo uh hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Jeremiah 15:11

Topa aw, amauteʼ hoih nadingin nang tungah kong thumsak kei a, gimna le haksatna hun ciangin ka galte adingin nangʼ tungah kong ngetsak kei leh tua amauʼ hong hamsiatnate keiʼ tungah hong tung tahen!

Piancilna 33:4

Ahih hangin amah a dawn dingin Esau hong tai-in, amah ngawng kawi a, pomcipin nam a, amaute a kap uh hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Kolose 3:20

Tate aw, na nu na pate uh thu man tawntung ding pen na Khristian nasep uh ahi hi. Tua bang thumanna in Pasian lungdamsak hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Late 69:31

Hih banga hihna in bawngtal tawh biakna ahi a, bawngtalno tawh biakna sangin zong Topa lungdamsak zaw ding hi.

Piancilna 27:41

A pa in amah thupha pia khin ahih manin tua thupha hangin tu-in Esau in Jakob mudah a, Esau in, “Ka paʼ sihna hangin dah nading hun hong nai ta hi. Tua khit ciangin ka sanggampa Jakob ka that ding hi,” ci-in ngaihsun hi.

1 PETER MASA 3:13

Note in a hoih gamtat ding utin hanciam le-uhcin kua in hong bawlsia ding ahi hiam?

Paikhiatna 3:21

“Keimah in Egypt miteʼ muhna ah hih mihingte maipha ka pia ding hi. Note na paikhiat uh ciangin, a hawmguakin na pai kei ding uh hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Paunak 16:8

Thuman loin hauhna sangin thumanin tawmno neihna a hoih zaw ahi hi.

Jeremiah 39:12

“Jeremiah la un. Limtakin kem unla bawlsia kei un. Ama deih bangbangin na bawl un,” a ci hi.

Jeremiah 42:12

Amah in note hong hehpihin na gam mah uh ah na ten suak theih nadingun keimah in note kong hehpih ding hi.

Daniel 1:9

Tua ciangin Pasian in Daniel tungah Ashpenaz in ngaihsut siamna a neih theih nadingin a bawlsak hi.

2 KHANG TANGTHU NIHNATE 20:30

Tua ahih ciangin Jehoshafatʼ ukna gam sung gamdai hi; bang hang hiam cih leh a Pasian in ama kiimah galdaihna a pia hi.

Ezra 8:36

Amaute in Eufratis Gun gal gam sungteng a kumpipaʼ nuai ah a uk sawn a lian pente le uliante tungah kumpipaʼ thupiaknate zong a va gen uh hi. Tua hi a, amaute in mite le Pasianʼ biakinn lam nasep a huh uh hi.