Paunak 16:4 - Tedim Bible Revision 2017

⁴ Topa in na khempeuh ngimna nei-in bawl a, migilote nangawn siatna a thuak dingin a bawl ahi hi.

Tedim Bible

⁴ Topa in na khempeuh ngimna nei-in bawl a, migilote nangawn siatna thuak dingin a bawl ahi hi.

Paunak 16:4 Referans Kwoze

2 PETER NIHNA 2:9

Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lah theih nading thu a neih mah bangin,

1 PETER MASA 2:8

a cihna leh, “Hih suang pen miteʼ hoina suak dinga, hih suangpi pen a pukna uh suak ding hi,” a cihna bang hi ding hi. Amaute in lungdamna thu um lo uh ahih manin a puk uh ahi hi. Pasian in a tua ci ding mahin a deih ahi hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

JOB (Job) 21:30

Pasian hehin, mite gim a piak ciangin migilote peng tawntung zawsop hi.

ROM (Romans) 11:36

Bang hang hiam cih leh na khempeuh ama piansak hi a, na khempeuh ama hang le ama minthan nading bekin a om ahi hi. Mi khempeuh in Pasian phat tawntung tahen! Amen.

Mangmuhna 4:11

“Koteʼ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

Piancilna 1:31

Pasian in a bawl sa khempeuh en a, hoih sa mahmah hi. Nitak hong bei-in zingsang hong tunga, a ni guk ni ahi hi.

Paikhiatna 9:16

Ahi zongin leitung khempeuh ah keima min a kipulak theih nadingin note tungah ka vangliatna lah ding deihna-in kong nungtasak lai hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Thuhilh-sia 3:11

Amah in na khempeuh amauʼ hun ciat tawh a kituak dingin a bawl hi. Amah in mailam thu theihnopna lungsim eite tungah hong guan a, ahi zongin ama sepnate a cing a theih zawh nading hong guan lo hi.

JOB (Job) 15:23

amah a ne dingin musanete in a ngak uh hi. A mailam thu lungzinhuai ahihna thei hi.