Paunak 16:30 - Tedim Bible Revision 2017

³⁰ A mit hong sitsante thusia a ngaihsun hi a, a neh hong piksante thusia geel ahi hi.

Tedim Bible

³⁰ A mit hong sitsante in thusia a ngaihsun hi a, a neh hong piksante in thusia geel ahi hi.

Paunak 16:30 Referans Kwoze

Johan 3:20

A gamtat hoih lo mite in a siatna uh a kilat khak ding ut lo uh ahih manin khuavak deih lo uh a, khuavak ah pai nuam lo uh hi.

Mattiu 13:15

Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Paunak 16:27

Migilote in siat nading bek zongzong uh a, a kampaunate uh na a kaang tum thei meikuang tawh kibang hi.

Paunak 10:10

Khialhna kimuhmawh bawlna in buaina piangsak a, hang takin hilh ngamna in nopna piangsak hi.

Paunak 16:29

A ngongtat mite in a lawmte zol a, lungkhamna sung tunpih hi.

Paunak 16:31

A teekteʼ sam kang minthanna lukhu hi a, thumanin nuntakna tawh a ngah ahi hi.