Paunak 16:21 - Tedim Bible Revision 2017

²¹ Lungsim pilte thumuhna tawh kampau uh a, amauʼ kam khumna zaknophuai kisa semsem hi.

Tedim Bible

²¹ Lungsim pilte in thu muhna tawh kam pau uh a, amau’ kam khumna, zaknophuai kisa semsem hi.

Paunak 16:21 Referans Kwoze

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Paunak 15:7

Mipilteʼ kampauna in pilna khangsak a, mihaiteʼ lungsimah thuman lohna bek om hi.

Paunak 27:9

Sathau namtui le paknamtui in lung nuamsak a, lawmteʼ limbawlna in tha hatsak hi.

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Johan 7:46

Palikte in, “Hih mipaʼ thugen bangin a gen kuamah om nai lo hi,” a cih uh ciangin

Luka 4:22

Amaute khempeuh in Jesu thupi sa mahmah uh a, thugen siam sa mahmah uh ahih manin, “Hih pa, Josefʼ tapa hi lel hi lo ahi hiam?” a ci uh hi.

Thuhilh-sia 12:10

Thugen Siampa in a zaknophuai kammal khawm a, ama gelh kammalte a man taktak ahi hi.

Paunak 23:15

Ka ta aw, mipil suak lecin ka lungdam mahmah ding hi.

Paunak 10:8

Mipilte in thuhilhna mang a, a hai paute in lungkhamna tuak hi.

Late 45:2

Mihingte lakah nangmah na hoih pen a, thugen na siam a, na kam khum zungzung hi. Tua ahih manin Pasian in nang thupha hong pia tawntung hi.

1 KUMPI MASATE 3:12

en in, nangma hong ngetna bangin kong pia ding hi. En in, nangma hun ma-in nang tawh a kibang a om loh nading le nangma khit ah zong nang tawh a kibang hong khan loh nadingin pilna le theihna lungsim kong pia ding hi.

ROM (Romans) 16:19

Lungdamna thu tawh kisai ah na cihtakna uh mi khempeuh in thei ahih manin hih thu ah kong lungdam pih mahmah hi. A hoih bang hiam, ci-in theih nading pilna nei-in, a sia peuhmah tawh na kizop khak het loh nading uh kong deihsak hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Paunak 16:22

Pilna pen mipilte adingin hinna tuinak bang hi a, mihaite ahihleh amauʼ haina mah in gimna thuaksak hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Paunak 10:13

Thungaihsun theiteʼ kam sungah pilna om a, mihaiteʼ nungzang ah ciangduai kinga hi.

Paunak 10:23

Mihaite in gamtat siat ding nuamsa uh a, thungaihsun theite in pil gamtatna nuamsa uh hi.