Paunak 16:10 - Tedim Bible Revision 2017

¹⁰ Kumpipa in thuman genin thu a khen ciangin khial ngei lo hi.

Tedim Bible

¹⁰ Kumpipa in thuman gen a, thu a khen ciangin khial ngei lo ding hi.

Paunak 16:10 Referans Kwoze

Piancilna 44:15

Josef in amaute kiangah, “Noteʼ gamtatna a bangci gamtat ahi hiam? Kei bang ahi mi in thu ka theihna thei lo na hi uh hiam?” a ci hi.

Piancilna 44:5

Ka topa in hih hai sung panin dawnin, hih tawh amah in thu thei hi lo ahi hiam? Hih bangin na gamtat manun na khial uh hi,’ va ci in,” a ci hi.

Amos 5:7

Thutang lumletin thuman mite lei a denna, note adingin bangzahin nasia ding ahi hiam?

Hosea 10:4

Amaute a kampi bek uh hi a, a kampi bekun thu genin thuciamna a bawl uh hi. Lo lai-a tu-ma-kuakte sungah gunei kiak a po mah bangin thusia neihna hong khang hi.

1 KUMPI MASATE 3:28

Tua ciangin Israel mi khempeuh in kumpipaʼ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdang sa-in a om uh hi.

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hi napi-in note in thutang pen gu na suaksak uh a, thuman pen a khial na suaksak uh hi.

Late 99:4

Thutang a deih, Vanglian Kumpipa aw, nangmah in thuman na phut khin a, Israel-te sungah thutang le thuman na sem khia hi.

2 KHANG TANGTHU NIHNATE 26:16

Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topaʼ biakinn sungah a lut hi.

2 SAMUEL NIHNA 14:16

Bang hang hiam cih leh kumpipa in za-in, Pasianʼ gamh panin kei le ka tapa hong susia khawm ding mipaʼ khut panin a nasem nu hon khia ding hi,’ ci-in ngaihsun hi.

Paunak 29:4

Thumanin a gamta kumpi in a gam kipsak a, sum bek a ngaihsun kumpi in a gam siasak hi.