Paunak 15:8 - Tedim Bible Revision 2017

⁸ Topa in migiloteʼ biakpiakna kihhuai sa a, thuman miteʼ thungetna ah lungdam hi.

Tedim Bible

⁸ Topa in migilote’ biakpiakna kihhuai sa a, thuman mite’ thungetna-ah lungdam hi.

Paunak 15:8 Referans Kwoze

Paunak 15:29

Topa in midikteʼ thungetna ngai a, migiloteʼ thungetna thudon lo hi.

Paunak 21:27

Topa in migiloteʼ biakpiaknate deih lo a, ngimna hoih lo tawh a piakte uh deih lo zaw kan lai hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Paunak 28:9

Mi khat in thukham a zuih nop kei leh ama thungetna nangawn Pasian in zakthadah huai sa hi.

Isaiah 61:8

Bang hang hiam cih leh keimah Topa in thutang deihin, miʼ nate suhna le khialhna ka mudah hi. Amaute tungah amauʼ thaman thuman takin ka pia dinga, tawntung thuciamna amaute tawh ka bawl ding hi.

Johan 4:24

Pasian pen Kha ahi hi; amah a biate in tua Khaʼ lamlahna le thuman taktak tawh a bia ding uh hi,” a ci hi.

Thuhilh-sia 5:1

Biakinn ah na pai ciangin limtakin kingaihsun in. A man le a man lo a khen thei lo mihaiteʼ biakpiaknate tawh a kibang piakna sangin thu ngai dingin biakinn-a paina hoih zaw hi.

Isaiah 66:3

Biakna-in bawngtal a go pa in mihing zong that hi. Biakpiakna-in tuuno a go pa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amauʼ kihhuai gamtatna uh ah nuam a sa uh hi.

Solomon la 2:14

Suangheeng kawm a vasa bangin nang na bu niloh hi. A ngaihbaang na mai hong musak inla, a lungzuan huai na awging hong zasak in.

Late 17:1

Topa aw, thuman ka hong ngetna hong za inla, ka otna hong ngai in! Lungsim takpi tawh ka hong thungetna hong ngai in!

Siampi Laibu 7:18

A ni thum ni-in thunuam a ama biakpiakna sa khat peuhpeuh a kinek leh, tua biakpiakna a pia pa kisang lo dinga, tua pen ama aʼ in zong kiciamteh lo ding hi. Tua sa a nin hi dinga, a ne pa in ama mawhna pua ding hi.

Paunak 10:24

Migilote tungah a kihtaktak uh tung a, mihoihte in a deihdeih uh ngah uh hi.

Paunak 15:7

Mipilteʼ kampauna in pilna khangsak a, mihaiteʼ lungsimah thuman lohna bek om hi.

Paunak 21:3

Topa in biakpiakna sangin thuman thutang deih zaw hi.

Micah 6:7

Topa kiangah tuu a tultulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Haggai 2:14

Tua ciangin Haggai in thu gen a, “Topa in hih bangin ci hi: Tu-a nong dawnna uh mah bangin hih minam dangteʼ sepna khempeuh ah tua bangin piang ahih manin, biakna tau tungah a piak uh na khempeuh a nin suak hi.

2 SAMUEL NIHNA 15:12

Absalom in biakna a piak laitakin Davidʼ thulamlak pa, Giloh mi Ahithofel, ama khuapi Gilo panin samsak hi. Tua ciangin sawm simna hong hat semsem a, Absalom tawh a om mite kibeh laplap hi.

1 KUMPI MASATE 3:10

Solomonʼ thungetna in Topa lungkimsak hi.

Late 141:2

Ka thungetna pen na mai ah paknamtui bangsak inla, ka khutte ka lap tohna pen nitak biakpiakna bangsak in.

Daniel 9:23

Pasian tungah thum dingin na kisak laitakin amah in a hong za zo hi. Pasian in nang hong it ahih manin, tua thu a gen dingin ka hong pai hi. Tu-in, tua maangmuhna thu ka hong hilh tel laitakin ciamteh in.

Micah 6:6

Vantung Pasian, Topa biak nadingin bang va keng ding ka hi hiam? Amah biakna-in hal dingin bawng no thaute va paipih ding ka hi hiam?

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.