Paunak 15:2 - Tedim Bible Revision 2017

² Mipilte in pilna thu gen a, mihaite in haina thu gen hi.

Tedim Bible

² Mipilte in pilna thu gen a, mihaite in haina thu gen hi.

Paunak 15:2 Referans Kwoze

Paunak 12:23

Mipilte in a theihna uh im khinkhian a, mihaite in a haina uh pho laklak hi.

Paunak 15:28

Mihoihte in a kampau ding ngaihsun phot a, migiloteʼ pau pakna pen thusia tawh kizom hi.

Paunak 13:16

Thungaihsun theite pilna tawh gamta a, mihaite in a haina taangko hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Paunak 16:23

Mipilte in thu ngaihsun kawmin kampau uh a, amauʼ pauna zaknophuai semsem hi.

Paunak 15:23

A hun mahin dawn pah theihna lungkimhuai a, a kilawm kammal tawh dawn pah theihna hoih zaw kan hi.

Late 59:7

Amaute a kam uh tawh nak pipi-in hawk uh a, a muk uh tawh zuau thu gengen uh hi. Bang hang hiam cih leh, “Kuaʼn hong za ding hiam?” ci-in amaute in ngaihsun uh hi.

Late 45:1

Thubul hoih khat tawh ka lungsim hong dimletin, kumpipa la ka phuah a, ka leii pen lai thei paʼ laikung tawh hong kibang hi.

Paunak 15:7

Mipilteʼ kampauna in pilna khangsak a, mihaiteʼ lungsimah thuman lohna bek om hi.

Thuhilh-sia 5:3

Lunghimawh semsem lecin na mang sia semsem dinga, tam pau semsem lecin na haina kilang semsem ding hi.

Thuhilh-sia 10:14

Mihaite in thu gengenin ciakciak uh hi. Mailam a thupiang ding kuamah in thei lo a, a sih khit-a thupiang ding a hong gen thei om lo hi.

Paunak 5:2

Tua hileh a kilawmin na gamtatzia ding na thei dinga, na kampaunate in na pil lamtak hong kilangsak ding hi.