Paunak 15:19 - Tedim Bible Revision 2017

¹⁹ Mi thadahte in mun khempeuh ah haksatna tuak a, mi thumante in haksatna tuak kha lo hi.

Tedim Bible

¹⁹ Mi thadahte in mun khempeuh ah haksatna tuak a, mi thumante in haksatna tuak kha lo hi.

Paunak 15:19 Referans Kwoze

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Isaiah 30:21

Tak lamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nung lam panun na bil un a za ding hi.

Paunak 22:5

Migiloteʼ lampi ah thang kisiahin so kidawh a, mipilte in tua lampi pelh uh hi.

Paunak 26:13

Thadahpa in, “Lampi ah humpinelkai om! Kongzing ah humpinelkai om!” ci-in lumlum hi.

Paunak 22:13

Mi thadahte a inn ah lumlum a, “Pua pial lehang humpiʼn hong hih khaʼn teh,” ci uh hi.

Paunak 8:9

Thungaihsun theite adingin tel nop mahmah a, thu mu theite adingin siang mahmah hi.

Late 27:11

Topa aw, na lampi hong hilh inla, ka galteʼ hangin lam phei ah kei hong kha in.

Paunak 3:6

Na hihna khempeuh ah amah phawk in. Tua hileh lampi man amah in hong lak ding hi.

Late 25:12

Topa a zahtak mi kua ahi hiam? Ama lampi zuih ding Pasianʼ hilhna a ngah mi ahi hi.

Late 5:8

Topa aw, gal tampi nei ka hih manin na thumanna tawh kei hong makaih inla, keima mai ah na lampi taangsak in.

Isaiah 57:14

“Zik un, zik un, lampi bawl un; ka miteʼ lampi a dongkhak thei ding na khempeuh la khia un,” kici ding hi.

Paunak 15:18

Lungtomna in kitotna piangsak a, lungduaina in kilemna piangsak hi.

Paunak 15:20

Ta pilte in a pa lungdamsak a, ta haite bek in a nu simmawh hi.

Paunak 6:6

Thadahpa aw, miksite kiangah pai inla, amauʼ nuntak zia va en in.

Paunak 11:5

Thumanna in midikteʼ nuntakna a nuam zaw-in piangsak a, migilote in amauʼ gitlohna mah puk lawh uh hi.