Paunak 15:17 - Tedim Bible Revision 2017

¹⁷ Kitawngtawng kawmin sameh lim pen nekna sangin ki-it diamdiamin anteh meh nek hoih zaw hi.

Tedim Bible

¹⁷ Kitawngtawng kawm-a sa meh limpen nekna sangin, ki-it diamdiam-a anteh meh nek hoihzaw hi.

Paunak 15:17 Referans Kwoze

Paunak 17:1

Kitawng kawmkawmin pawipi sungah annekna sangin lungnuam takin mohkeu them khat nekna hoih zaw hi.

Paunak 21:19

A phun hat zi gilo tawh ten khop sangin gam simtham ah khat guak tangten hoih zaw hi.

1 JOHAN MASA 4:16

Tua hi a, Pasian in eite a hong itna thu, eite mahmah in thei-in i um hi. Pasian pen ki-itna hi a, itna a nei mite pen Pasian tawh om khawm uh a, Pasian zong amaute tawh a om khawm hi.

Filippi 2:1

Note, Khris tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

Mattiu 22:4

Tua ciangin nasem dangte sawl leuleu a, ‘Ka khohsak sa mite kiangah hih bangin va gen un: Ka bawngtalte le ka bawng no thaute kigo khin a, nitak an a min sa-in a om banah, na khempeuh a man sa-in om khinta hi. Mopawi an ne dingin hong pai ta un, ci hi, ci-in va gen un,’ a ci hi.

Luka 15:23

Tua ciangin i bawng no limci pen hong go unla, lungdam pawi bawl ni.

Thuhilh-sia 4:6

Nakpi takin na sem a, a mawknapi ahi ding, khut nih dim sangin lungsim nuamin khut khat dim neihna hoih zaw hi.

Paunak 16:8

Thuman loin hauhna sangin thumanin tawmno neihna a hoih zaw ahi hi.