Paunak 15:15 - Tedim Bible Revision 2017

¹⁵ Mizawngte lungkham tawntung uh a, a lungdam mite in nuntak nuamsa mahmah uh hi.

Tedim Bible

¹⁵ Mizawngte, a lungkham hi tawntung a, a lungdam mite in nuntakna nuamsa mahmah uh hi.

Paunak 15:15 Referans Kwoze

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Paunak 15:13

Lungdamna in maitaisak a, lungkhamna in maigumsak hi.

Paunak 17:22

Maitaina in cidamsak a, maigum tawntungna in guhtui teep kang hi.

ROM (Romans) 5:11

Tua teng bek hi lo lai a, Pasian tawh hong kilemsak i Topa Jesu Khris hangin Pasian tungah i nuam mahmah hi.

2 KORIN NIHNA 1:5

Khris hangin gimna tampi ka thuak uh mah bangin amah in zong kote tungah huhna tampi mah a hong pia hi.

Sawltak 16:25

Zankim laitakin Paul le Silas in Pasian kiangah thu ngenin la sa uh a, thong kia dangte in amauʼ thungetna le lasaknate a ngai uh hi.

1 PETER MASA 4:13

Tua bangin Khris tawh thuak khawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uh ah na lungdam zaw un.

Paunak 16:22

Pilna pen mipilte adingin hinna tuinak bang hi a, mihaite ahihleh amauʼ haina mah in gimna thuaksak hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Piancilna 47:9

Jakob in Faro kiangah, “Tawl khat sung ka nuntak hun pen kum za le kum sawm thum ahi hi. Ka nuntak hun tom sungah siatna bekbek om a, ka pate tawl khat a om sung uh a nuntak hunte ban nai lo hi,” a ci hi.

Piancilna 37:35

A tapate le a tanute khempeuh in amah hehnem uh a, ahih hangin amah hehnep zawhin om lo a, “Hi lo hi. A kap sa-in ka tapa kiang Leinuai ah ka pai ding hi,” a ci hi. Tua bangin ama hangin a pa kap hi.

Paunak 15:14

Thungaihsun theite in pilna zong uh a, mihaite ahihleh a theih lohna uh tawh lungkim uh hi.

Paunak 15:16

Hau napi-in lungkham sangin zawng napi-in Topa zahtakna hoih zaw tham hi.