Paunak 15:11 - Tedim Bible Revision 2017

¹¹ Sihna gam sungah a omte nangawn Pasian in mu ahihleh, mihingteʼ ngaihsutna tel muh zaw kan ding hi lo ahi hiam?

Tedim Bible

¹¹ Topa in sihna gam sunga omte nangawn mu thei ahih leh, mihingte ngaihsutna telmuh zawkan ding hilo ahi hiam?

Paunak 15:11 Referans Kwoze

Late 44:21

Pasian in hih thu mu khia lo ding ahi hiam? Bang hang hiam cih leh amah in lungsim thusim a thei hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Late 139:8

Vantungah kah to leng tua lai ah nang na om dinga, Leinuai misiteʼ gamah lupna bawl taleng zong tua lai ah zong nang na om veve ding hi.

JOB (Job) 26:6

Pasianʼ muhna ah misiteʼ gam kilang sinsen a, a muh theih loh nadingin a liah bangmah om lo hi.

2 KHANG TANGTHU NIHNATE 6:30

na teenna mun vantung panin za inla, maisakin, amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihingʼ lungsim na thei hi).

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Paunak 27:20

Mihingteʼ lungsim pen misiteʼ gam tawh kibang a, tam lua cih hun nei thei lo hi.

Late 7:9

Lungsim le ngaihsutna a en a thuman Pasian aw, migiloteʼ siatna beisak inla, mi thumante kipsak in.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingteʼ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Sawltak 1:24

Tua ciangin amaute in thu ngen uh a, “Mihing khempeuhʼ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.

Paunak 15:10

A gamta khial mite nakpi takin kithuhilh a, thukihilhna a mang nuam lote in sihna thuak ding uh hi.

Paunak 17:3

Kham le ngunte mei sungah kize-et a, mihingteʼ lungsim Topa in ze-et hi.