Paunak 13:7 - Tedim Bible Revision 2017

⁷ Mi pawl khatte, zawng napi-in kihausak uh a, mi pawl khatte, hau napi-in kizawngsak uh hi.

Tedim Bible

⁷ Mi pawlkhatte, zawng napi-in kihau sak uh a, mi pawlkhatte, hau napi-in kizawngsak uh hi.

Paunak 13:7 Referans Kwoze

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkham huai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Paunak 12:9

Nektawm ding nei lopi-in mi lian bangin omna sangin nuntak nading na semin mi mawkmawk hihna hoih zaw hi.

Paunak 11:24

Mi pawl khat in sum zang ziahziah napi-in hau semsem uh a, mi pawl khat cil mahmah napi, zawng semsem hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

2 KORIN NIHNA 4:7

Ahi zongin vangliatna taktak Pasian aʼ hi a, kote aʼ hi lo hi, ci-in a kilat nadingin kha tawh kisai na manpha a nei kote pen na kikoihna leibeel tawh a kibang bek ka hi uh hi.

2 PETER NIHNA 2:19

Amaute pen siatna a piangsak thei zongsatna lelin sila hinapi-un mite tungah suahtak nading thu a gen uh hi. Bang hang hiam cih leh mite pen, a hong zo peuhpeuhteʼ sila ihi hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Luka 12:21

Tua ciangin Jesu in a thugen a khupna-in, “Tua mah bangin amau ading bekin a kholcipte pen Pasianʼ muhna panin mihau hi lo uh hi,” a ci hi.

Paunak 13:11

Ol takin hauh pakna oltak mahin kiamkik pah a, haksapi-in hauh tohna khangto semsem hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

1 KORIN MASA 4:8

Na deih khempeuh uh nei khin na kisa uh a, hau khin na kisa uh hi. Koteʼ om loh kalin kumpi a suak khinin na kingaihsun uh hi. Note tawh kumpi hi khawm ding ihih manin kumpi taktak a suak takpi na hi le-uhcin ka ut mahmah hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Luka 12:20

Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

Paunak 13:8

Mihau paʼ sum hauhna in a nuntakna tan khia zo a, mizawng pa in a kitatna ding bangmah nei lo hi.