Paunak 13:22 - Tedim Bible Revision 2017

²² Midikte in a tu a tateʼ luah ding gamh nei uh a, mawhneiteʼ neihsate ahihleh midikte ading hi lel hi.

Tedim Bible

²² Midikte in a tu a tate’ luah ding gamh nei a, mawhneite neihsate ahih leh midikte’ ading hi lel hi.

Paunak 13:22 Referans Kwoze

Thuhilh-sia 2:26

Pasian in amah a lungdamsakte tungah pilna, theihna le lungdamna pia a, ahi zongin a hehpihhuai mimawhte ahihleh a sep bek sisakin, amauʼ thalawh sa khempeuh amah a lungdamsakte tungah a piaksak hi. Hih pen a mawknapi taktak, huihpi nung delh bang bek ahi hi.

Paunak 28:8

A meet a pung lakna tawh a hau mipa pen mizawngte a hehpih mipa adingin sum a zonsak hi lel hi.

Late 37:25

Thuman mi a kinusiacip, a suanlekhakte ngen tawmin a kivak, ka neu lai a kipanin tu-a ka teek hun ciang dong ka mu ngei nai kei hi.

Late 112:2

Ama suanlekhakte leitungah vanglian dinga, a lungsim thutang miteʼ suanlekhakte thupha kipia ding hi.

Late 128:6

Na tute a mu dingin hong siam tahen. Israel tungah nopna om tahen!

Late 102:28

Na nasemteʼ tate lungmuangin om ding uh a, amauʼ suanlekhakte na mai ah kip ding uh hi.

Paunak 17:6

Tute pen puteekte adingin minthanna lukhu hi a, tate pen pateʼ minthanna ahi hi.