Paunak 13:13 - Tedim Bible Revision 2017

¹³ Thu kihilh ding ut lohna pen siat ding utna hi a, thukihilhna zuihna pen lungnopna ahi hi.

Tedim Bible

¹³ Thu kihilh ding ut lohna in siat ding utna hi a, thu kihilhna zuihna in lungnopna hi.

Paunak 13:13 Referans Kwoze

Gamlak-vakna 15:31

Amah in Topaʼ thu simmawhin, a thupiakna siasak ahih manin, tua mipa kithat dinga, ama mawhna amah in thuak ding hi,” a ci hi.

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

Late 119:165

Nangma thu a deihte in lungnopna lianpi ngah uh a, amaute a tuksak zo ding bangmah om lo hi.

Ezekiel 20:13

Ahi zongin Israel mite in gamlak nangawn ah kei hong dem uh a, a zui peuhpeuh in nuntakna a ngah nading uh ahi keima thukhamte le ka thupiaknate a nial uh hi. Ka Sabbath-te zong nakpi takin siasak uh hi. Tua ahih manin amaute a maiman nadingin ka hehna teng gamlak ah a thuaksak gawp dingin ka kithawi hi.

Late 19:11

Tua tham loin tuateʼ hangin a nasem pa in thuphawkna ngah a, tuate zuihna ah noptuamna lian a om hi.

Ezekiel 20:16

Tua bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka Sabbath-te siasak uh hi. Amaute in kei hong biak ding uh sangin milim biak ding ut zaw uh ahihna hang ahi hi.

Ezekiel 20:24

Hih bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka Sabbath-te siasak uh hi. Tua banah a pu a pate un a biak milimte mah a biakna hang uh ahi hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

Paunak 1:25

Ka thugente khempeuh hong thudon loin, kong tainate khempeuh hong mang nuam lo na hih manun,

Late 115:13

Amah in Topa a zahtakte a lian a neu-in thupha hong pia ding hi.

Luka 16:31

Ahi zongin Abraham in, ‘Amaute in Moses le kamsangteʼ thu a man nop kei uh leh, mi khat hong hingkikin amaute kiangah a va gen hangin umsak zo tuan lo ding hi,’ ci-in a dawng hi,” a ci hi.

Malakhi 3:16

Topa a zahtak mite khatlekhat tua bangin thu kigen uh a, amauteʼ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Mattiu 5:12

Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Jeremiah 43:2

Hoshaiahʼ tapa Azariah le Kareahʼ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teeng dingin pai kei un,’ ci-in a gen dingin nang hong sawl lo hi.

Ezra 10:3

Tua ahih ciangin tu-in, ka topa uh nangma ngaihsutna le i Pasianʼ thupiakna a kihta miteʼ ngaihsutna bangin hih i zite le a tate uh i makna ding thu i Pasianʼ tungah kiciam ni. Tua ciangin thukham sunga om bangin gamta ni.

Paikhiatna 9:20

Tua ciangin Faroʼ nasemteʼ lak panin Topaʼ thu a zahtak mi in ama silate le a ganhingte inn ah taisak hi.

Paunak 13:12

Lamet tun lohna in lungsim cinasak a, deihna tangtunna pen lungdamna ahi hi.

Paunak 19:16

Thukham a zuite a khansau dinga, thukham a zui lote si ding hi.

Late 19:12

Ahih hangin kua in ama khialhnate mu khia thei tawm ahi hiam? Theih loh manin khialhna panin kei hong siangsak hi.

Paunak 16:20

Thuhilhna a mang mite a maa vang dinga, Topa a muang mite a lung dam ding hi.