Paunak 12:8 - Tedim Bible Revision 2017

⁸ Mipilte kiphatin kipahtawi a, mihaite kineu-et hi.

Tedim Bible

⁸ Mipilte kiphatin kipahtawi a, mihaite kineu-et hi.

Paunak 12:8 Referans Kwoze

2 KORIN NIHNA 10:18

Bang hang hiam cih leh mi khat peuhpeuh amah a kiphattawm ciangin a kipakta hi lo a, Topa in a phat ciangin a kipakta hi pan hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

Sawltak 12:23

Herod in mite, Pasian phatsak loin amah phatsak ahih manin thakhatin Topaʼ vantungmi in Herod cinasak a, a hut in amah netumin a si hi.

Luka 16:8

A dik tat lo nasem pa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uh ah ngiansiam zaw uh hi.

Daniel 12:2

A si sa mi tampite in nuntakna a ngahkik ding uh hi. Pawl khatte nungta tawntung ding uh a, pawl khatte in a tawntung zumna le min siatna a ngah ding uh hi.

Paunak 5:23

Ama pumpi ki-uk zo lo ahih manin amah in sih lawh a, ama hai luatna in hankhuk sung a tun hi.

Paunak 3:35

Mipilte in minphatna le pahtawina ngah ding uh a, mihaite in maizumna le mindaina ngah ding uh hi.

Paunak 1:26

lungkhamna na tuah uh ciangin kong nuihsan lel dinga, launa na tuah uh ciangin kong thusim kei ding hi.

Late 132:18

Ama galte maizumna tawh ka dimsak dinga, ahih hangin ama kumpi gam khangin zai semsem ding hi,” na ci hi.

Piancilna 41:39

Tua ahih ciangin Faro in Josef kiangah, “Pasian in hihte khempeuh nang hong lak khin ahih manin, nang bangin thu ngaihsun siam le a pil midang om lo hi.

1 SAMUEL MASA 25:17

Tua ahih ciangin hih thu thei inla, na hih ding ngaihsun in. Bang hang hiam cih leh ka topa le a innkuan khempeuh tungah siatna tunsak ding kingaihsun a, amah a khansia ahih manin kuamah in hopih thei lo hi,” a ci hi.

1 SAMUEL MASA 18:30

Tua ciangin Filistia mi uliante galsim dingin hong kuan khia uh a, amaute hong kuan khiat simin Saulʼ nasem dangte khempeuh sangin David in a maa tun zaw hi. Tua ahih manin mite in David thupi muh semsem hi.

1 SAMUEL MASA 16:18

Tangvalte khat in dawngin, “En un, Bethlehem mi Jessiʼ tapa, a tumsiam, a thahat, a galhang mi, thugen a siam, a om nuam mi khat ka mu a, Topa in amah a ompih mi khat ahi hi,” a ci hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; Topa na Pasianʼ hong thupiakna na zui kei hi; bang hang hiam cih le Topa in Israel-te tungah kumpi dingin nang le na suanlekhakte a kipsak suak ding ahi hi.

Thuhilh-sia 8:1

Mipilte bek in na a khiatna taktak theithei uh hi. Pilna in mipilte maitaisak a, a hehmai a beisak hi.

Paunak 12:7

Migilote in sihna tuakin cimang a, thuman mite nungta-in khang kizom hi.

Paunak 12:9

Nektawm ding nei lopi-in mi lian bangin omna sangin nuntak nading na semin mi mawkmawk hihna hoih zaw hi.

Paunak 29:27

Midikte in migilote mudah uh a, migilote in midikte mudah uh hi.

Isaiah 19:14

Topa in amauteʼ lungsim kitukalhsak khinzo hi. Zukham pa ama luak lakah a puk bangin Egypt gam miteʼ hihna khempeuh khialin hoi mang khin hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.