Paunak 12:15 - Tedim Bible Revision 2017

¹⁵ Mihaite pen amau mah thuman kisa tawntung a, mipilte in miʼ thugenna ngai nuam uh hi.

Tedim Bible

¹⁵ Mihaite in amau mah thuman kisa tawntung a, mipilte in mi’ thugenna ngai nuam uh hi.

Paunak 12:15 Referans Kwoze

Paunak 3:7

Nangmah a pilin kingaihsun tawm kei inla, Topa zahtakin a sia peel in.

Paunak 19:20

Thu kigente ngai-in hong kihilhte mang lecin mai lamah na pil ding hi.

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Paunak 14:12

Mihingte in thuman lampi hi, ci-in a ngaihsutte pen sihna lampi hi kha thei hi.

Paunak 1:5

Mi ciim sate ciimsak semsemin, mi pil sate pilsak semsemin,

Paunak 26:12

A pil lo kimlai a pil a kisa pa sangin mihaite adingin lametna om zaw lai hi.

Paunak 16:25

Hoih hi, ci-in i ngaihsut thu khat pen sih theih nading thu na hi zawsop thei hi.

Paunak 16:2

Mihingte pen a gamtatna uh ah man kisa a, ahi zongin Topa in a khenna khat na om hi.

Galati 6:3

Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Paunak 9:9

Mipilte thuhilh lecin pil semsemna-in nei dinga, thuman mite thuhilh lecin a thutheihna uh khang semsem ding hi.

Paunak 21:2

Na gamtatna khempeuh nangmah in man na sak hangin Topa in na lungsim tawng a et telna phawk in.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

Paunak 28:11

Mihau pa pen amah pil kisa a, ahi zongin a zawng mipil pa in a hau paʼ haina phawk khia veve hi.

Thuhilh-sia 4:13

Miʼ thugen a sang thei nawn lo, teek leh hai a thuah kumpipa sangin zawng napi-in a pil tangval khat hoih zaw hi.

Paunak 26:16

A kilawmin thu a dawng thei mihing sagih sangin mi thadahpa a ngaihsutna ah pil kisa zaw hi.

Paunak 13:1

Ta pil in a paʼ hilhna mang a, a kihisak mi in a khial min pua nuam lo hi.

Paunak 13:10

Hilh ding ut lo, kihihsakna in kitotna bek piangsak thei a, hong kithuhilh ding utna pen a hoih zaw ahi hi.