Paunak 11:5 - Tedim Bible Revision 2017

⁵ Thumanna in midikteʼ nuntakna a nuam zaw-in piangsak a, migilote in amauʼ gitlohna mah puk lawh uh hi.

Tedim Bible

⁵ Thumanna in midikte’ nuntakna a nuam zaw-in piangsak a, migilote in amau’ gitloh mah puklawh uh hi.

Paunak 11:5 Referans Kwoze

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

Paunak 11:3

Midikte thumanin gamta uh a, migilote amauʼ hoih lohna in susia hi.

Paunak 3:6

Na hihna khempeuh ah amah phawk in. Tua hileh lampi man amah in hong lak ding hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn ah nuak ciah hi. Tua ciangin amah in a innkuan vai hawmsak a, a man ciangin a mahmah gui-awk hi. Amah si a, a paʼ hanah kivui hi.

Thukhente 20:41

Tua ciangin Israel mite hong kilehhei uh a, Benjamin mite lungkia uh hi; bang hang hiam cih leh amauʼ siat nading a naina thei uh hi.

Paunak 12:3

Gitlohna in lungmuanna piangsak lo a, thuman mite lungmuang takin om uh hi.

Paunak 21:29

Migilote pen muan theih dingin khauh pau uh a, midikte ahihleh lungmuang takin kampau hiathiat uh hi.

JOB (Job) 18:7

A khe kip ngei a, ahi zongin tu-in a khe bai ta hi. Amah in a ngaihsut khialhna a puk lawh hi.

Paunak 1:18

Ahi zongin mite in amauʼ awk nading mah thangsiah uh a, kuamah dang awk loin, amau mah hai awk uh hi.

Paunak 13:6

Thumanna in midikte hu a, gitlohna pen mawhneiteʼ pukna ahi hi.

Paunak 14:32

Migilo pa ama tatsiatna in puksak a, mihoih pa ama hoih tatna in hu hi.

Paunak 15:19

Mi thadahte in mun khempeuh ah haksatna tuak a, mi thumante in haksatna tuak kha lo hi.

Paunak 28:18

Thumanin a gamta mite lungmuangin om ding uh a, a zuau tat mite ahihleh puk ding uh hi.

Isaiah 26:7

Midik paʼ lampi tamkim a, nangmah in midik paʼ lampi na neelsak hi.

Hosea 5:5

Israel-teʼ kiphatsakna pen amau mahʼ siat nading ahi hi. Amauʼ mawhna in amaute puksak dinga, Judah mite in zong puk pih ding uh hi.