Paunak 11:24 - Tedim Bible Revision 2017

²⁴ Mi pawl khat in sum zang ziahziah napi-in hau semsem uh a, mi pawl khat cil mahmah napi, zawng semsem hi.

Tedim Bible

²⁴ Mi pawlkhat in sum zang ziahziah napi-in hau semsem a, mi pawlkhat in cil mahmah napi, zawng semsem hi.

Paunak 11:24 Referans Kwoze

Paunak 19:17

Mizawngte tungah a piate in Topaʼ tungah a pia hi a, Topa in a cingin amaute tungah lohkik ding hi.

Luka 6:38

Midangte tungah pia un. Tua hileh Pasian in note tungah zong hong pia ding hi. Bang hang hiam cih leh midangte na piakna uh tawh kizui-in a henhen, a tahtah, a dimletin Pasian in note tungah hong pia ding hi,” a ci hi.

Thu-hilhkikna 15:10

Citna tawh amah na pia ding uh a, amah na piak uh ciangin lungsim neihna na nei kei ding uh hi. Topa na Pasian un na sepna na hihna khempeuh uh ah hih thu hangin note thupha hong pia ding hi.

Late 112:9

Amah in hawm khia zuahzuah a, mizawngte tungah a pia khia hi. Ama migitna kip tawntung a, amah vanglianin kipahtawi ding hi.

Thuhilh-sia 11:6

Zingsang a kipan khaici tuh inla, nitak dong mateng khawl kei in. A vekpi-in a po kim ding ahi a, a khat sia-in, a khat a po ding ahi zongin na theih kholh bangmah om lo hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Paunak 28:8

A meet a pung lakna tawh a hau mipa pen mizawngte a hehpih mipa adingin sum a zonsak hi lel hi.

Paunak 11:23

Mihoihteʼ deihna thuhoih tawh kizom tawntung a, migiloteʼ deihna a tun ciangin mi khempeuh a heh hi.

Paunak 11:25

A cingh mite hau semsem dinga, midang a huhte in huhna mah ngahkik ding hi.

Paunak 13:7

Mi pawl khatte, zawng napi-in kihausak uh a, mi pawl khatte, hau napi-in kizawngsak uh hi.

Paunak 28:27

Mizawng a huhte cimawh ngei lo dinga, huhna a pia nuam lote in samsiatna ngah ding hi.

2 KHANG TANGTHU NIHNATE 31:10

Zadokʼ suan ahi siampi lianpen pa Azariah in amah dawngin, “Amaute in amauʼ piakte uh Topaʼ biakinn sungah paipih ding hong kipat uh a kipan kote in an ka ne uh a, a kicing nei-in tampi val lai hi. Topa in ama mite thupha pia ahih manin hih na tampi a om lai i nei hi,” a ci hi.

Malakhi 3:8

Keimah in note kong dotnop thu pen, mi khatpeuh in Pasianʼ na guksak ding kilawm ahi hiam? Kilawm lo hi napi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah-khat piakna le biakpiaknate ah nong guksak uh hi.