Paunak 11:23 - Tedim Bible Revision 2017

²³ Mihoihteʼ deihna thuhoih tawh kizom tawntung a, migiloteʼ deihna a tun ciangin mi khempeuh a heh hi.

Tedim Bible

²³ Mihoihte’ deihna thuhoih tawh kizom tawntung a, migilote’ deihna a tun’ ciangin mi khempeuh heh hi.

Paunak 11:23 Referans Kwoze

Mattiu 5:6

Pasianʼ deih teng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Late 37:4

Topa sungah lungkim in; amah in na deihna hong pia ding hi.

Jeremiah 17:16

Ahih hangin amaute tungah gimna na tunsak ding kong ngen kei a, siatna ni hong tun ding ka deihsak loh lam zong na hong thei hi. Ka kam panin a ging khia thu khempeuh na thei khin hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teeng mite in thuman i cih bang hiam, cih a phawk ding uh hi.

Paunak 10:28

Mihoihteʼ lametna lungdamna hi a, migiloteʼ lametna a hawmpi ahi hi.

Late 10:17

Topa aw, lungnemteʼ deihna na ngai ding hi. A lungsim uh na hatsak dinga, na bil na ngat ding hi.

Hebru 10:27

a kihtakhuai thukhenna le Pasianʼ thu a nial mite a kaang tum ding meikuangpi bek om lai hi.

Paunak 11:7

Migilote a sih ciangin a lametna teng uh tawh bei khawm a, hauhna suanna a mawkna a suak hi.

Late 119:10

Ka lungsim khempeuh tawh nang ka hong zong hi. Na thupiaknate panin kei hong pialsak kei in.

Late 119:5

Nangma ngeina kipte zuihna ah ka gamtatna kip tahen.

Late 27:4

Topaʼ tung panin na khat ka ngen khin a, tua ngenin ka zon ding pen: Topaʼ inn sungah ka khan tawntungin om ding, Topaʼ hoihna et ding le ama biakinn sungah thu dot dingte ahi hi.

Paunak 11:24

Mi pawl khat in sum zang ziahziah napi-in hau semsem uh a, mi pawl khat cil mahmah napi, zawng semsem hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Paunak 13:2

Mihoihte in a kam siamna bangun thaman sang a, mizuaute pen siat tat ding bek ut uh hi.