Paunak 11:19 - Tedim Bible Revision 2017

¹⁹ Thumanin gamtat ding a hanciamte nungta dinga, a sia-in a gamta teiteite si ding uh hi.

Tedim Bible

¹⁹ Thu man-a gamtat ding a hanciamte nungta ding a, asia-a gamta teiteite si ding hi.

Paunak 11:19 Referans Kwoze

Paunak 10:16

Mihoihteʼ thaman nuntakna hi a, migiloteʼ thaman siatna ahi hi.

Paunak 19:23

Topa a zahtakte a khansau a, lungkim takin nuamsa-in om uh a, siatna bangmah tuak kha lo uh hi.

Paunak 12:28

Mi thumanteʼ gamtatna in nuntakna piangsak a, mihaiteʼ gamtatna in sihna piangsak hi.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

1 JOHAN MASA 3:10

Hih pen Pasian tate le Dawimangpaʼ tate a kilamdanna ahi hi. A manin gamta loin, a Khristian mipihte a it lo mi peuhmah, Pasianʼ tate hi lo uh hi.

1 JOHAN MASA 3:7

Ka it tate aw, miteʼ khem sa-in ta kei un. Khris a thuman ahih mah bangin a manin a gamtate khempeuh a thuman ahi hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesu tawh i kipawl manin Pasianʼ hong piakkhong pen nuntak tawntungna ahi hi.

Sawltak 10:35

kua mi kua mi hitaleh amah zahtakin a manin a gamta mi khempeuh a sanna thu teltakin ka thei hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Jeim 1:15

Lungsim utna a gol semsem ciangin mawhna hong piang a, mawhna hong cingtaak ciangin sihna hong piang hi.

Paunak 21:16

A kilawm gamtatna pan a pial khia mite misi honte lakah a tung hi.

Thu-hilhkikna 16:20

Note nungta-in Topa na Pasian un hong piak leitang na luah theih nadingun a thuman bekbekin na gamta ding uh hi.

2 KUMPI NIHNATE 1:4

Tua ahih ciangin Topa in hih bangin ci hi: ‘Nang pen tu-a na liamna panin na damkik zo nawn kei dinga, na si taktak ding hi, ci hi,’ ci in,” a ci hi. Tua ahih ciangin Elijah zong pai-in a gen hi.

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baal-zebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkik zo nawn kei dinga, na si taktak ding hi,’ ci hi,” a ci hi.

Paunak 21:21

Thuman thutakin gamta tawntung lecin na khan sau-in pahtawina na ngah ding hi.