Paunak 10:21 - Tedim Bible Revision 2017

²¹ Mihoihteʼ thugente in mi tampi nuamtuamsak a, mihaite in a hai sihpih uh hi.

Tedim Bible

²¹ Mihoihte’ thugente in mi tampi nuamtuam sak a, mihaite in a hai sihpih uh hi.

Paunak 10:21 Referans Kwoze

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Paunak 17:16

Mihai pa in thu ngaihsun thei lo ahih manin pilna zon nading sum tampi a zat hangin a phattuamna om lo hi.

Mattiu 13:19

Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

Paunak 1:29

Note in pilna na deih kei uh a, Topa na zahtak nuam kei uh hi.

Paunak 15:4

Kam khum in nuntakna piangsak a, kam sia in lung gimsak hi.

Paunak 5:23

Ama pumpi ki-uk zo lo ahih manin amah in sih lawh a, ama hai luatna in hankhuk sung a tun hi.

Paunak 5:12

Tua ciangin, “Bang hangin thu thei hoh lo a, hong kihilhna mang hoh lo ka hi hiam?

Paunak 1:31

na gamtatna bangun na thuak ding uh a, nomauʼ gamtatna mah in note hong gimsak ding hi.

JOB (Job) 23:12

Pasianʼ thupiakna bangin ka gamta ngitnget a, keima utna zui loin ama deihna ka zui hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Paunak 12:18

Ngaihsun lo-a kampauna in tem hiam bangin mi liamsak thei a, mipilteʼ kampauna in tua bang liamna damsak thei hi.

1 PETER MASA 5:2

Pasian in noteʼ khut sungah a hong piak tuuhonte hoihtakin na cing unla, ut lo pipi hi loin, Pasianʼ hong deih bangin utna lungsim takpi tawh na cing un. Sum ngah nopna bek tawh a sem hi loin utna lungsim tawh a semte na hi un.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

Jeremiah 3:15

“‘Ka thu a hong mang makaite kong pia dinga, amaute in pilna le siamna tawh note hong uk ding uh hi.

Late 37:30

Thuman miʼ kam in pilna gen a, a leii in thutang gen hi.

Mattiu 12:35

Mihoihte in a hoih a khol teng suah khia a, migilote in gitlohna a khol teng a suah khia ahi hi.

Paunak 6:32

Ahi zongin numei tawh a mawhte pen thu ngaihsun thei lo mi hi a, amau le amau a kisusia tawm ahi uh hi.

Paunak 10:11

Mihoihteʼ kampaute pen nuntakna tuinak bang a, migilote in thusia bekbek gen uh hi.

Paunak 1:32

Bang hang hiam cih leh thu thei lote in pilna a don loh manun sih lawh uh a, mihaite in lunghihmawhna a neih loh manun siatlawh uh hi.

Paunak 5:2

Tua hileh a kilawmin na gamtatzia ding na thei dinga, na kampaunate in na pil lamtak hong kilangsak ding hi.

Paunak 15:7

Mipilteʼ kampauna in pilna khangsak a, mihaiteʼ lungsimah thuman lohna bek om hi.

Thuhilh-sia 12:11

Mipilteʼ thugente pen tuucingte in tuu hawlna-in a zat ciangkhut hiam tawh kibang hi. Tua thute pen eite khempeuh tuucin bangin a hong Cing Pasianʼ piak ahi hi.

Isaiah 5:13

Tua hi a, thu theih lohna hangin ka mite sal suak uh hi. A mi liante uh gil kialin sidek uh a, a mihonte uh dangtakin keu uh hi.