Paunak 10:14 - Tedim Bible Revision 2017

¹⁴ Mipilte in a pilna uh behlapin, mihaite a pau ciangin thusia tawh kizom pahpah hi.

Tedim Bible

¹⁴ Mipilte in a pilna uh behlapin, mihaite a pau ciangin thusia tawh kizom pah hi.

Paunak 10:14 Referans Kwoze

Paunak 18:7

Mihaite a pau ciangin amauʼ siat nading mah a pau hi a, amauʼ kampau mah awk pih uh hi.

Paunak 10:8

Mipilte in thuhilhna mang a, a hai paute in lungkhamna tuak hi.

Paunak 13:3

Pau a ki-ip zo mi in a nuntakna a hu hi a, a mawk paupau mi pen amah a kisiasak tawm ahi hi.

Paunak 10:10

Khialhna kimuhmawh bawlna in buaina piangsak a, hang takin hilh ngamna in nopna piangsak hi.

Paunak 9:9

Mipilte thuhilh lecin pil semsemna-in nei dinga, thuman mite thuhilh lecin a thutheihna uh khang semsem ding hi.

Mattiu 13:52

Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 13:44

“Vantung ki-ukna pen lo lai ah a kiseel sum tawh kibang hi. Mi khat in a muh ciangin limtakin a seel pha hi. Amah lungdam mahmah in a inn ah ciah pah a, a neih khempeuh a zuak khit ciangin tua lo a lei hi.

Mattiu 12:35

Mihoihte in a hoih a khol teng suah khia a, migilote in gitlohna a khol teng a suah khia ahi hi.

Paunak 21:23

Kampau a ki-ip zote lungkhamna tawh kipelh hi.

Paunak 19:8

Pilna a zong pa in ama phattuam nading a zong hi a, thu a thei mipaʼ sepna maavang ding hi.

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh limtakin ngai uh hi.

Paunak 18:1

Midangte tawh a kipawl thei pha lote amah bek thupi a kisate hi a, midangteʼ cih khempeuh man a sak khat beek om lo hi.

Paunak 1:5

Mi ciim sate ciimsak semsemin, mi pil sate pilsak semsemin,

Paunak 12:23

Mipilte in a theihna uh im khinkhian a, mihaite in a haina uh pho laklak hi.

Thuhilh-sia 10:12

Mipilteʼ kampauna in pahtawina ngahsak a, mihaiteʼ kampauna in amau mah siasak hi.

Paunak 17:20

Lungsim hoih lote in lungdam mu lo uh a, mi a khem theite in lungkhamna tuak uh hi.