Paunak 10:1 - Tedim Bible Revision 2017

¹ Hihte pen Solomonʼ paunakte ahi hi: Ta pil in a pa lungdamsak a, ta hai in a nu dahsak hi.

Tedim Bible

¹ Solomon’ paunakte in: Tapil in a pa lungdamsak a, tahai in a nu dahsak hi.

Paunak 10:1 Referans Kwoze

Paunak 1:1

Davidʼ tapa, Israel kumpi Solomonʼ paunakte:

Paunak 29:3

Pilna a deih mi in a pa lungdamsak a, numei paktat tawh a kikhawl mi in a neihsa teng lawn mang hi.

Paunak 17:25

Ta hai in a pa dahsak a, a nu lungkhamsak hi.

Paunak 29:15

Ciangduai le tai-na in pilna guan a, a kikhah khong ta in a nu maizumsak hi.

Paunak 15:20

Ta pilte in a pa lungdamsak a, ta haite bek in a nu simmawh hi.

Paunak 17:21

Tapa hai pen a paʼ lungkhamna hi a, ta hai a nei pa a lung dam lo hi.

Paunak 19:13

Tapa hai pen a paʼ lungkhamna hi a, zi phunphun pen a theu thei lo guahciin tawh kibang hi.

Thuhilh-sia 12:9

Thugen Siampa, mipil ahih banah, amah in ama theih teng mite tungah a hilh hi. Amah in paunakte limtakin sin a, a man ahihna thu hoihtakin en tel hi.

Thuhilh-sia 2:19

Kei hong laih pa pil taleh hai taleh, ka pilna ka siamna khempeuh zanga ka sep sa nate luahin a ukpa hi ding hi. Hih pen a mawknapi taktak ahi hi.

Paunak 25:1

Judah kumpi Hezekiahʼ lai-atte in a teikhiat uh Solomonʼ paunak dangte:

1 KUMPI MASATE 4:32

Amah in paunak tul thum zong gen khia a, ama laphuah dawng tul le dawng nga ahi hi.

Paunak 13:1

Ta pil in a paʼ hilhna mang a, a kihisak mi in a khial min pua nuam lo hi.

Paunak 27:11

Ka ta aw, pil in; tua hileh ka lungdam dinga, kei hong mawhsak nuamte in bangmah hong cih thei lo ding hi.

Paunak 29:17

Na ta thuhilhin tai lecin ama hangin na kipak dinga, na lung hong kimsak ding hi.