Paunak 1:6 - Tedim Bible Revision 2017

⁶ paunakte le thugentehnate hoihtakin thei-in, mipilteʼ kampau le a thugente uh a theih nading ahi hi.

Tedim Bible

⁶ paunakte leh thugentehnate thei-in, mipilte’ kampau leh a thugente a theih nading.

Paunak 1:6 Referans Kwoze

Late 78:2

Note tungah thu gentehna zangin ka kam ka-in thu kong gen ding hi. I pu i pate in hong gen sa, eite in i zak sa le i theih sa, tanglai-a thuthukte ka hong gen khia ding hi.

Marka 4:11

Jesu in, “Pasianʼ Ukna tawh kisai thusim, Pasian in note tungah hong gen khinzo hi. Ahi zongin a pualam a om mite tungah na khempeuh, thu gentehna bek tawh kigen hi.

Hebru 5:14

Ahi zongin antak i cih pen a sia le a pha a khen thei, a lim le a lim lo a khen thei ta, a khangham khin sa mite ading ahi hi.

Late 49:4

Paunak thu theih hak khat ka ngaihsun dinga, laiza lasakna tawh a khiatna ka gen tel ding hi.

Marka 4:34

Thu gentehna lo tawh thu hilh ngei lo hi. A nungzuite guak tawh a om khawm ciangin a thu khempeuh a gen tel zel hi.

Thuhilh-sia 12:11

Mipilteʼ thugente pen tuucingte in tuu hawlna-in a zat ciangkhut hiam tawh kibang hi. Tua thute pen eite khempeuh tuucin bangin a hong Cing Pasianʼ piak ahi hi.

Gamlak-vakna 12:8

Amah tawh kam le kam kiho-in, a kitel lo kampaute tawh hi loin, a kitel takin thu ka gen uh a, amah in Topaʼ mel a mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

2 PETER NIHNA 3:16

Lai a hong gelhna sungah a thugente tu-ate mah a gen nuam ahi hi. A laigelhna sungah a telhak thu tampi om a, theihna kicing loin lungsim kip lo mi pawl khatte in Lai Siangtho sung thu a ututun a kawihei uh bangin Paulʼ thugente zong a man lopi-in khia uh ahih manin siatna a tuak lawh uh hi.

Paunak 24:23

Mipil dangte in zong hih bangin thu gen uh hi: Mi lang muhin thukhenna hoih lo hi.

Daniel 8:23

“Tua kumpi gamte a bei ding hun a nai ciangin gilo lua mahmah ding uh ahih manin gim a kipia ding hi. Tua ciangin ama thu bek thu a sa, mawhna pawlpawl tawh a kidim, zuauphuah hat kumpi khat a hong om ding hi.