Paunak 1:4 - Tedim Bible Revision 2017

⁴ Thu thei nai lote in a theih nading, khangnote in pilna le thu ngaihsut theihna a ngah nading.

Tedim Bible

⁴ Thu thei nai lote in a theih nading, khangnote in pilna leh thu ngaihsut theihna a ngah nading.

Paunak 1:4 Referans Kwoze

Paunak 8:5

Ngaihsut kicing nai lote aw, na lungsim uh khanghamsak un. Mihaite aw, thu ngaihsun un.

Paunak 8:17

Kei hong itte ka it a, kei hong zong peuhmahte in hong mu uh hi.

Late 119:9

Tangval khat in ama gamtatna a siangtho mahmah dingin bangci kep ding ahi hiam? Nangma thu zuihna tawh ama gamtatna siangthosak thei ding hi.

Paunak 8:32

“Tate aw, tu-in ka thugen hong ngai unla, kong gente zui le-uhcin lungdamna na ngah ding uh hi.

Paunak 8:12

Pilna ahi keimah in thuthuk muh theihna ka nei a, thu a telin theihna le a kilawm ngaihsut theihna ka nei hi.

Late 119:130

Na thute gentelna in khua vaksak a, thu thei lote tungah thu theihtelna a guan hi.

Titu 2:6

Tua mah bangin khangnote zong amau pumpi a ki-uk zawh nadingun na hanthawn pha in.

2 TIMOTI NIHNA 2:22

Tua ahih manin khangno lunggulhna hoih lote pelh inla, lungsim takpi tawh Topa tungah huhna a ngen mite tawh thuman thutak, upna, itna, kilemna na neih theih nadingun hanciam khawm un.

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Paunak 3:21

Ka ta aw, pilna le thu ngaihsut theihna len tawntung inla, cikmah ciangin khahsuah ngei kei in.

Late 34:11

Tate aw, hong pai unla hong ngai un; Topa zahtakna thu kong hilh ding hi.

Late 19:7

Topaʼ thu kicing a, nuntakna a thaksuaksak hi. Topaʼ teci panna hi takpi a, mipil lote pilsak hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hih nop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

Late 116:6

Topa in thu thei lo mi hong kem a, kei hong kiniamkoih ciangin amah in hong huh hi.

Thu-hilhkikna 4:6

Tuate zui unla, sem un; bang hang hiam cih leh hih thukhamte khempeuh a zak uh ciangin, ‘Hih minam liante pen a pil thu thei taktak hi,’ a ci ding uh miteʼ muhna ah hih thu pen nomauʼ pilna le nomauʼ theihna hi ding hi.