Paunak 1:32 - Tedim Bible Revision 2017

³² Bang hang hiam cih leh thu thei lote in pilna a don loh manun sih lawh uh a, mihaite in lunghihmawhna a neih loh manun siatlawh uh hi.

Tedim Bible

³² Bang hang hiam cih leh thu thei lote in, pilna a don loh manun sihlawh uh a,

Paunak 1:32 Referans Kwoze

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Hebru 12:8

Tateʼ thuak bangin thuhilhna le taiina thuak loin hong kikoih mawk leh ta taktak hi loin zawlta na hi lel ding uh hi.

Late 69:22

Amauʼ mai-a kilui ante thangzak suaksak inla, amauʼ biakna pawi ante tehlop suaksak in.

Jeim 5:5

Hih leitung na nuntak sungun uang nekin na nop tat mahmah uh hi. Note hong kigawh hun ding kiginna-in a kithausak phitphet na hi uh hi.

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

Paunak 8:5

Ngaihsut kicing nai lote aw, na lungsim uh khanghamsak un. Mihaite aw, thu ngaihsun un.

Isaiah 66:4

Tua ahih ciangin amaute tungah gimna ka tungsak dinga, amauʼ kihtak thute mah amauʼ tungah ka tungsak ding hi. Bang hang hiam cih leh ka sap ciangin kuamah in hong dawng lo uh a, thu ka gen ciangin kuamah in hong ngai lo uh hi. Keima thu man loh ding mah ut zaw uh a, a sia-in gamta uh hi, a ci hi.

Thu-hilhkikna 28:17

“Na lawhte uh le na annel mekna kuangte un zong samsiatna ngah ding hi.

Paunak 2:18

Tua nuʼ inn ah pai lecin sihna lampi a zui na hi a, misite gam a zuan na hi hi.

Paunak 9:18

Tua lai ah a paite a sihna thu tua lai ah a lut sate sihna gam thuk sungah a om khitna thu, a khem zawh mite in phawk kha lo uh hi.

Paunak 10:21

Mihoihteʼ thugente in mi tampi nuamtuamsak a, mihaite in a hai sihpih uh hi.

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Amos 6:1

Israel minamte in muanin a hong neih, i minam lakah ulian ahi, Zion ah nuam takin a om hithiat, Samaria ah lungmuang takin a om note adingin zumhuai mahmah hi.