Paunak 1:28 - Tedim Bible Revision 2017

²⁸ Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Tedim Bible

²⁸ Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Paunak 1:28 Referans Kwoze

Micah 3:4

Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Jeim 4:3

Pasian kiangah na nget sun uh ciangin zong noteʼ nopsak nading bek ngenin, na ngaihsutna uh man lo ahih manin a ngah lo na hi uh hi.

Zekhariah 7:13

Amaute ka hopih ciangin hong ngai nuam lo uh hi; kei zong amauteʼ hong thungetna ka ngai kei ding hi, Vanglian Topa in ci hi.

Jeremiah 11:11

Tua ahih ciangin Topa in kong cih in ah, en un, a pelh theih loh uh gimna amauʼ tungah ka tungsak dinga, kei kiangah a hong kap liang uh zongin ka dawng nawn kei ding hi.

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

JOB (Job) 27:9

Lungkhamna a thuak uh ciangin Pasian in amauʼ kikona awging ngai ding ahi hiam?

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Late 18:41

Huh nading ngenin amaute kikoko uh a, ahih hangin a hon ding kuamah om lo hi. Amaute in Topaʼ tungah ko uh a, ahih hangin amah in dawng lo hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

JOB (Job) 35:12

Amaute migilo mi kihisakte ahih manun, huh ding a nget hangun Pasian in pia lo hi.

1 SAMUEL MASA 8:18

Tua ni ciangin note adingin na teel sa uh na kumpipa uh hangin note na kiko ding uh a, ahih hangin tua ni ciangin Topa in note hong dawng lo ding hi,” a ci hi.

Paunak 8:17

Kei hong itte ka it a, kei hong zong peuhmahte in hong mu uh hi.

Piancilna 6:3

Tua ciangin Topa in, “Mihingte sungah ka Kha om paisuak nawn lo ding hi. Bang hang hiam cih leh mihingte a mawh hi khinta a, kum za le kum sawm nih sung kisik nading hun kipia lai bek ding hi,” a ci hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Late 66:18

Ka lung sungah mawhna kem leng, Topa in keima thu hong ngai lo ding hi.

Paunak 15:29

Topa in midikteʼ thungetna ngai a, migiloteʼ thungetna thudon lo hi.

Solomon la 5:6

Ka ngaihno a lutsak dingin kong ka hon a, amah na tai khia khinta hi. Amah a taikhiat manin ka dah lua a, amah ka zon hangin ka mu kei a, amah ka sap hangin hong dawng lo hi.

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Thu-hilhkikna 1:45

Note hong ciahkikin Topaʼ mai ah na kap uh hi. Ahih hangin Topa in na aw uh hong ngai loin, a bil zong hong ngat lo hi.

Late 18:42

Huihpi mai ah leivui bangin amaute ka satvui a, kongzing buante bangin amaute ka lawn khia hi.

Amos 8:12

Mihingte, leilu pan leitaw dong, Topaʼ thu kanin vak kawikawi ding uh a, ahi zongin mu zo lo ding uh hi.